मुंबईकरांनो सावधान... मुंबईतल्या बहुतांश भागातून गॅस गळती झाल्याच्या तक्रारी अग्निशमन विभागाकडे येत आहेत. मानखुर्द, चेंबूर, घाटकोपर, पवई, हिरानंदानी, चकाला, गोरेगाव पूर्व अशा विविध भागातून लोक अग्निशमन विभागाकडे संपर्क करत आहेत. या भागातील रहिवाशांना परिसरात एकप्रकारचा केमिकलटा वास येऊ लागला. त्यानंतर नागरिकांनी अग्निशमन दलाकडे तक्रार दाखल केली.
गॅस गळती संदर्भात ट्वीटरवर देखील अनेकांनी तक्रारी केल्या आहेत. राधिका शर्मा या महिलेनं मुंबई पोलिस आणि मुख्यमंत्री देवेंद्र फडणवीस यांना टॅग करत ट्वीटरवर गॅस गळती संदर्भात माहिती दिली. मुंबई पोलिसांनी राधिका यांच्या ट्वीटला तात्काळ उत्तर दिलं. “स्थानिक पोलिसांना यासंदर्भात माहिती देण्यात आली आहे. तुमच्या सहकार्यासाठी धन्यवाद,” असा रिप्लाय राधिकाला पोलिसांनी दिला.
We have recieved complaints from citizens about odour of some unknown gas in eastern and western suburbs. MCGM has mobilized all concerned agencies. 9 fire engines have been mobilized at various places to find out source of leakage. For any queries, please call 1916 #MCGMUpdates
— माझी Mumbai, आपली BMC (@mybmc) September 19, 2019
“नागरिकांकडून आलेल्या तक्रारींची दखल घेत अग्निशमन विभागाच्या गाड्या गळतीच्या ठिकाणी रवाना झाल्या आहेत. तपासणी करण्यासाठी ९ फायर इंजिन्स घटनास्थळी रवाना झाल्या आहेत. अधिक माहितीसाठी १९१६ या क्रमांकावर संपर्क साधावा,”अशी माहिती महापालिकेनं ट्वीटरवर दिली आहे.
पालिकेनं दुसरं ट्वीट करत म्हटलं की, राष्ट्रीय केमिकल फर्टिलायझरच्या चेंबूर प्लांटमध्ये गळती झाल्याची माहिती मिळाली होती. मात्र आरसीएफमध्ये गॅस गळती झालेली नाही अशी माहिती मुंबई महापालिकेनं दिली आहे.
तुमच्या इथं देखील गॅस लिक झाल्यासारखा वास येत असेल तर सुरक्षेच्या दृष्टीकोनातून गॅस पाईपलाईनचा मेन कॉक बंद ठेवा.Unconfirmed information of some leakage in RCF Chembur had been reported. However there is no leakage in RCF;
— माझी Mumbai, आपली BMC (@mybmc) September 19, 2019
MGL has mobilised 8 mobile emergency vans to check leakage of PNG/CNG gas. #gasleak
Share
Tweet
