Advertisement

मीरा-भाईंदर, वसई-विरार पोलिसांनी 'हा' आपत्कालीन क्रमांक सुरू केला

याद्वारे, बीट मार्शलच्या कॉलला प्रतिसाद देण्याचं काम केलं जाईल.

मीरा-भाईंदर, वसई-विरार पोलिसांनी 'हा' आपत्कालीन क्रमांक सुरू केला
(Representational Image)
SHARES

बुधवार, २२ सप्टेंबर रोजी नव्यानं स्थापन झालेल्या मीरा भाईंदर, वसई, विरार (MBVV) पोलीस आयुक्तालयानं मीरा रोड, भाईंदर, नायगाव, वसई, नालासोपारा आणि विरार इथल्या रहिवाशांसाठी आपत्कालीन क्रमांक '११२' सुरू केला आहे.

याद्वारे, बीट मार्शलच्या कॉलला प्रतिसाद देण्याचं काम केलं जाईल. आयुक्तालयात १३ पोलीस ठाणे आहेत आणि प्रत्येकी बीट मार्शलकडे दोन MDT (मोबाइल डेटा ट्रान्सफर) डिव्हाइसेस आणि एक वाहन-माऊंटेड डिव्हाइस आहे. ज्यामुळे कॉल घेता येईल.

पुढे स्पष्ट करताना, पोलीस उपायुक्त (DCP) (मुख्यालय) म्हणाले की, हा एक सरकारी उपक्रम आहे जिथे सर्व आपत्कालीन सेवा एका हेल्पलाईन ११२ मध्ये समाकलित केल्या जातील. हा कॉल नियंत्रण कक्षात येईल जेथे पोलीस संदेश जवळच्या बीट मार्शलला पाठवतील.

तर अन्य एका पोलीस अधिकाऱ्यानं सांगितलं की, प्रत्येक MDT यंत्राची किंमत १.५० लाख आहे. एमडीटी डिव्हाइस जीपीएससह सक्षम आहे. नियंत्रण कक्षाला गस्त घालणारे बीट मार्शल शोधण्यात मदत करते जे लवकरात लवकर नागरिकांपर्यंत पोहोचू शकतात, असंही ते म्हणाले.

बीट मार्शल कर्तव्यावर असताना त्यांना सक्रिय करण्यासाठी इंटरनेट-सक्षम डिव्हाइसमध्ये लॉग इन करावे लागते. जोपर्यंत आम्ही नियंत्रण कक्षाकडून संदेश पाठवत नाही तोपर्यंत तो नॉन-स्टॉप वाजतो.

शिवाय, अधिकारी म्हणाले की बीट मार्शल मार्गाची योजना आखू शकतात आणि क्षेत्राचा नकाशा बनवू शकतात. तेथे तीन अंतर्निर्मित मायक्रोफोन आहेत त्यामुळे एखादा बीट मार्शल गोंगाट असणाऱ्या ठिकाणी असला तरी संकटात असलेले लोक त्याला स्पष्ट ऐकू शकतात, असं दुसऱ्या अधिकाऱ्यानं सांगितलं.

बीट मार्शलला MDT यंत्र चालवण्यासाठी तीन दिवसांचे प्रशिक्षण दिलं आहे. बीट मार्शल हे घटनास्थळी पोहोचणारे पहिले पोलीस आहेत. एखाद्या नागरिकाला हजेरी लावल्यानंतर, बीट मार्शलला डिव्हाइसवर नोंद करावी लागेल.

जीपीएस ट्रॅकिंग हे कंट्रोल रूमला बीट मार्शलच्या स्थानाचा मागोवा घेण्यास मदत करेल. याचा फायदा आणीबाणीच्या काळात करता येईल.

याव्यतिरिक्त, एमबीव्हीव्ही पोलीस प्रमुख सदानंद दाते यांनी बस स्टॅण्ड, शिक्षण केंद्रे, बाजारपेठ, रेल्वे स्टेशन जवळ, पोलीस स्टेशन/चौकी, पार्क इत्यादी ठिकाणी महिला/मुलांची तक्रार पेटी बसवण्याचे आदेश दिले, ही संकल्पना साकीनाका बलात्काराच्या पार्श्वभूमीवर राबवण्यात येत आहे. बुधवारपासून प्रत्येक पोलीस स्टेशन हे बॉक्स बसवत आहे.



हेही वाचा

डोंबिवलीत १५ वर्षांच्या मुलीवर सामूहिक बलात्कार, २१ जणांना अटक

अश्लील चित्रपट प्रकरण : राज कुंद्राला जामिन मंजूर

Read this story in हिंदी or English
संबंधित विषय
‘मुंबई लाइव्ह’च्या ताज्या बातम्यांसाठी सब्स्क्राईब करा