महाराष्ट्र राज्य रस्ते विकास महामंडळानं (MSRDC) पावसाळ्यात (Monsoon) वाहतुकीशी संबंधित समस्यांसाठी संपर्क नियंत्रण कक्ष स्थापित केला आहे.

गुरुवारी, ३ जून रोजी, एमएसआरडीसीनं नमूद केलं की कंट्रोल रूम (Control Room) चोवीस तास कार्यरत असेल. शिवाय नागरिक कोणत्याही प्रश्नासाठी ०२२-२६५१७९३५ / २६४२०९१४ किंवा ८८५०४२१५७९ वर संपर्क साधू शकता.

मुंबई महानगर प्रदेशातील विविध उड्डाणपुलांच्या देखभालीची जबाबदारी एमएसआरडीसीच्या अभियांत्रिकी विभागाची आहे.

दुसरीकडे, एमएसआरडीसीनं यापूर्वी वांद्रे ते वरळी  समुद्री मार्गावरील (Bandra-worli sea link) टोल १ एप्रिलपासून वाढवण्याचा निर्णय घेतला होता. नियमानुसार टोल दर ३ वर्षांनी वाढवण्यात येणार आहे.

मोटार वाहनं आणि लहान वाहनांच्या टोल (Toll)मध्ये १८ टक्क्यांनी वाढ करण्यात आली आहे. त्यानुसार लहान आणि मोठ्या गाडीसाठी ८५ रुपये, लहान बसेससाठी १३० रुपये आणि ट्रकसाठी १७५ अशी वाढ करण्यात आली आहे. शिवाय, वरळी-वांद्रे समुद्र पुलावरील टोल वसुलीसाठी राज्य सरकारनं २०५२ पर्यंत मुदतवाढ दिली आहे.

दरम्यान, मुंबई-पुणे (Mumbai-pune) द्रुतगती महामार्ग आणि वांद्रे-वरळी मार्गावर प्रवास करणाऱ्या फास्टॅगधारकांना (Fasteg) सवलत मिळणार असल्याची माहिती एमएसआरडीसीनं यापूर्वी दिली होती. शिवाय सवलत योजना ११ जानेवारीपासून सुरू झाली आहे.

मुंबई-पुणे द्रुतगती महामार्गावर आणि वांद्रे-वरळी सी पुलावर प्रवास करणाऱ्यांसाठी प्रत्येक फेरीवरील टोलपैकी ५ टक्के टोल थेट वाहन मालकाच्या फास्टॅग बँक खात्यात महानगरपालिकेमार्फत जमा होईल, असं अहवालात म्हटलं आहे.

दरम्यान, भारतीय हवामान विभागाच्या मुंबई वेधशाळेनं महाराष्ट्रातील काही जिल्ह्यांमध्ये मेघगर्जना आणि विजांच्या कडकडाटासह पावसाचा अंदाज वर्तवला आहे. मुंबई वेधशाळेनं पुढील ३ तासात नांदेड, परभणी जिल्ह्यातील काही भागांमध्ये पाऊस आणि वीज देखील कोसळू शकते, असा अंदाज वर्तवला आहे. हवामानतज्ज्ञ के. एस. होसाळीकर यांनी दिली आहे.

हेही वाचा

मध्य मुंबईतील सातरस्ता जंक्शनचं सुशोभीकरण होणार

पवई परिसरातील मिठी नदीवर विक्रमी वेळेत पूल उभारणी