देशातील सर्वांत श्रीमंत महापालिका असलेल्या मुंबई महापालिकेच्या तिजोरीत मुदत ठेवींच्या माध्यमातून १२ हजार कोटी रुपयांची भर पडली आहे. यामुळे महापालिकेच्या ठेवींचा आकडा वाढून ७९ हजार कोटी रुपयांवर गेला आहे. महापालिकेच्या महत्वाकांक्षी प्रकल्पांसाठी हा निधी राखून ठेवण्यात आला आहे.
मागील २ वर्षांमध्ये मुदत ठेवींच्या रकमेत १२ हजार कोटी रुपयांची वाढ झाली आहे. ही रक्कम विविध बँकांमध्ये १५ महिन्यांसाठी मुदत ठेव म्हणून ठेवण्यात आली आहे. या रकमेवर महापालिकेला ७ टक्के दराने व्याज मिळते.
महापालिकेकडे असलेल्या ७९ हजार कोटी रकमेपैकी ५२ हजार कोटी रुपयांची रक्कम पायाभूत प्रकल्पांसाठी, तर कर्मचारी भविष्य निर्वाह निधी, कर्मचाऱ्यांचं निवृत्ती वेतन आणि विविध योजनांसाठी १२ हजार ९६३ कोटी रुपयांची रक्कम राखून ठेवण्यात आली आहे. एवढी मोठी रक्कम वापराविना पडून रहात असल्याने ही रक्कम सरकारी निकषानुसार गुंतवण्याचा महापालिका प्रशासन विचार करत असल्याची माहिती महापालिकेच्या वरिष्ठ अधिकाऱ्याने दिली.
हेही वाचा-
मिठी नदीचा पूर रोखणार, महापालिका बांधणार कृत्रिम तलाव
महापालिकेची २३ उद्यानं राहणार २४ तास खुली
Share
Tweet
