Advertisement

मुंबईला लवकरच पहिले "टॉयलेट ऑन व्हील्स" मिळणार, वाचा सविस्तर

प्रायोगिक तत्त्वावर हे केंद्र सुरू करण्यात येणार असून, प्रतिसाद पाहून केंद्रांची संख्या निश्चित केली जाईल.

मुंबईला लवकरच पहिले "टॉयलेट ऑन व्हील्स" मिळणार, वाचा सविस्तर
(Representational Image)
SHARES

बृहन्मुंबई महानगरपालिका (BMC) महिलांसाठी टॉयलेट ऑन व्हिल्स आणण्याची योजना आखत आहे. यासाठी ते वापरात नसलेल्या बसेसचे मोबाईल टॉयलेटमध्ये रुपांतर करण्यात येण्याची पालिकेची योजना आहे. प्रशासनाने या महिन्याच्या अखेरीस भायखळा, दक्षिण मुंबई येथे आपले पहिले टॉयलेट ऑन व्हिल सुरू करण्यात येणार आहे.

कॉर्पोरेट सोशल रिस्पॉन्सिबिलिटी अंतर्गत BMC बृहन्मुंबई इलेक्ट्रिक सप्लाय अँड ट्रान्सपोर्ट आणि खाजगी कंपन्यांकडून बस खरेदी करेल आणि त्यांना गुलाबी रंग दिला जाईल.

ज्या बसेसचे नूतनीकरण करण्यात आले आहे, त्या बसेसचे मोटरेबल टॉयलेटमध्ये रूपांतर करण्यात येणार आहे. शौचालये “महिलांसाथी स्वच्छतागृह” किंवा पिंक युटिलिटी सेंटर म्हणून ओळखली जातील.

प्रायोगिक तत्त्वावर हे केंद्र सुरू करण्यात येणार असून, प्रतिसाद पाहून केंद्रांची संख्या निश्चित केली जाईल.

महिलांसाठी स्वच्छतागृहे उपलब्ध करून देणे हा या प्रकल्पाचा प्राथमिक उद्देश असल्याचे पालिका अधिकाऱ्यांनी सांगितले. मुंबईतही जागेचा तुटवडा आहे, त्यामुळे या प्रकल्पासाठी महापालिका जुन्या भंगार बसेसचा वापर करणार आहे.

शिवाय, पालिकेच्या मार्गदर्शक तत्त्वांमध्ये फूटपाथवर शौचालये बांधण्यास मनाई आहे, त्यामुळे जुन्या बसेसचे फिरत्या शौचालयात रूपांतर केले जाईल.

येथे त्याची वैशिष्ट्ये आहेत:

  • युटिलिटी सेंटर हे सार्वजनिक शौचालयासारखे असेल परंतु त्यात चेंजिंग रूम, वॉशिंग मशिन, महिला स्वच्छता उत्पादनांसाठी वेंडिंग मशीन, स्तनपानासाठी एक विशेष कंपार्टमेंट आणि वायफाय यासारखी अतिरिक्त वैशिष्ट्ये असतील.
  • आपत्कालीन परिस्थितीत प्रत्येक डब्यात पॅनिक बटण देखील असेल.
  • स्वच्छ भारत मिशन अंतर्गत 30 सार्वजनिक शौचालये बांधण्याची त्यांची योजना असल्याचे पालिका अधिकाऱ्यांनी सांगितले. पालिकेने यापूर्वी सुमारे 22,500 सार्वजनिक स्वच्छतागृहे बांधण्याची योजना आखली होती.
  • शहरातील चर्चगेट स्थानक, गिरगाव चौपाटी, हाजी अली जंक्शन, मुलुंड चेक नाका आदी प्रमुख ठिकाणी सार्वजनिक स्वच्छतागृहे ठेवण्यात येणार आहेत.
  • हायवे टॉयलेटची संकल्पना स्वीकारल्यानंतर सुमारे 10 वर्षांनंतर पालिका पूर्व द्रुतगती महामार्गावर नाहूर आणि विक्रोळी दरम्यान आणखी चार शौचालये बांधणार आहे.



हेही वाचा

हेल्मेट घालूनही कापले जाणार चलान, जाणून घ्या वाहतुकीचे नवे नियम

अंधेरीतील गोखले पूल बंद, नागरिकांना मेट्रोचा पर्याय

Read this story in English
संबंधित विषय
Advertisement
‘मुंबई लाइव्ह’च्या ताज्या बातम्यांसाठी सब्स्क्राईब करा