गुरुवार, १४ एप्रिल रोजी साजऱ्या होणाऱ्या भारतरत्न डॉ. बाबासाहेब आंबेडकर यांच्या १३१व्या जयंतीनिमित्त मुंबई वाहतूक पोलिसांनी शहरात काही वाहतूक निर्बंध लागू केले आहेत.
भारतरत्न डॉ. बाबासाहेब आंबेडकर यांना अभिवादन करण्यासाठी दादर इथल्या चैत्यभूमीवर मोठ्या संख्येनं अनुयायी येतील. याच पार्श्वभूमीवर दादरमधील जवळपासच्या रस्त्यांवरील वाहतुकीवर परिणाम होणार आहे. १३ एप्रिल रोजी रात्री ११ ते १४ एप्रिलच्या मध्यरात्रीपर्यंत वाहतुकित काही बदल करण्यात आले आहेत, असे मुंबई वाहतूक पोलिसांनी सांगितलं.
वाहतूक पोलिसांनी गर्दी आणि गर्दीच्या व्यवस्थापनासाठी दादरमधील चैत्यभूमीच्या परिसरातील सात रस्त्यांवर वन वे (एकेरी/रस्ता) बंद केले आहेत.
शिवाय, शहरातील अनेक रस्त्यांवर मोठ्या प्रमाणात गर्दी झाल्यास वाहतूक पोलिसांनी सल्लागार सूचनाही जारी केल्या आहेत.
हे मार्ग वन-वे (एकेरी मार्ग/रस्ते):
- सिद्धिविनायक जंक्शन ते हनुमान मंदिरापर्यंत एकेरी मार्ग असेल, म्हणजे हनुमान मंदिरापासून प्रवेश नसेल.
- भवानी शंकर रोड हा हनुमान मंदिर/दादर कबुतरखाना पासून गोखले रोड साऊथच्या जंक्शनपर्यंत एकेरी मार्ग असेल, याचा अर्थ गोखले रोड दक्षिणेकडून गोपीनाथ चव्हाण चौक मार्गे बेस्ट बसेस आणि आपत्कालीन/उपयोगिता सेवा वगळता प्रवेश होणार नाही.
- रानडे रोड सर्व प्रकारच्या वाहनांसाठी बंद राहणार आहे.
- सिद्धिविनायक जंक्शनपासून हिंदुजा हॉस्पिटलपर्यंतचा SVS रस्ता सर्व प्रकारच्या वाहनांच्या वाहतुकीसाठी बंद असेल, परंतु स्थानिक रहिवासी हिंदुजा हॉस्पिटलपासून पांडुरंग नाईक मार्ग जंक्शन असलेल्या रोड क्रमांक ५ पर्यंत जाऊ शकतात.
- ज्ञानेश्वर मंदिर रोड SVS रोड इथल्या जंक्शनपासून दादर चौपाटीपर्यंत सर्व प्रकारच्या वाहनांच्या वाहतुकीसाठी बंद राहील.
- आवश्यक असल्यास, दादर टीटी इथून वाहनांची वाहतूक (बेस्ट बस आणि आपत्कालीन/उपयोगिता सेवा वगळता) बंद केली जाईल.
- टेम्पोसह सर्व अवजड वाहने (बेस्ट बसेस वगळता) माहीम जंक्शनवरून मोरी मार्गे सेनापती बापट मार्गाकडे वळवण्यात येतील.
जड वाहनांसाठी हे बदल
- वेस्टर्न एक्स्प्रेस हायवेवरून दक्षिणेकडे जाणारी वाहने दक्षिण मुंबईकडे जाताना कलानगर जंक्शनवरून डावीकडे वळण घेऊन धारावी टी जंक्शन ते सायन रेल्वे स्टेशनकडे किंवा धारावी येथील ६० फूट रस्त्यानं कुंभारवाडामार्गे सायन हॉस्पिटलकडे जाऊ शकतात.
- डॉ. बी.ए. रोडला उजवे वळण किंवा ते वांद्रे ते वरळी मार्गे वांद्रे वरळी सीलिंक वापरू शकतात आणि त्यांच्या गंतव्यस्थानी पोहोचू शकतात.
- ईस्टर्न एक्सप्रेस हायवेवरून येणारी दक्षिणेकडे जाणारी वाहतूक त्यांच्या पुढील प्रवासासाठी ओके ईस्टर्न फ्रीवेवर जाण्यासाठी वडाळा ब्रिज, बरकत अली नाका, बीपीटी कॉलनी वापरू शकतात.
- कुलाबा आणि सीएसटीकडून येणारी उत्तरेकडे जाणारी वाहतूक पोलिसांनी वाहनधारकांना पी डमेलो रोड, बॅरिस्टर नाथ पै मार्ग, झकेरिया बंदर रोड, आरएके मार्ग माटुंगा अरोरा ब्रिजपर्यंत वापरण्याची सूचना केली आणि नंतर डॉ. बी.ए. रोडने उजवीकडे वळण घेऊन पुढे सायन मार्गे जावे.
- वांद्रे वरळी सीलिंकसाठी हॉस्पिटल जंक्शन किंवा गफारखान जंक्शन इथून डावे वळण घ्या.
- महालक्ष्मी रेल्वे स्थानकाकडून डॉ. ई मोसेस रोडनं येणारी उत्तरेकडील वाहतूक पुढील प्रवासासाठी सेनापती बापट रोडचा वापर करू शकते.
- याशिवाय, पोलिसांनी पार्किंगसाठी विशेष जागाही दिल्या असून शिवाजी पार्कच्या परिसरातील चैत्यभूमीला लागून असलेले आठ रस्ते नो पार्किंग झोन म्हणून घोषित करण्यात आले आहेत.
नो पार्किंग झोन:
- एस वीर सावरकर रोड
- रानडे रोड
- एन सी केळकर रोड
- केळुस्कर रोड (उत्तर आणि दक्षिण)
- गोखले रोड (उत्तर आणि दक्षिण)
- टिळक पूल
- एसके बोले रोड
- भवानी शंकर रोड
'इथं' पार्किंगची व्यवस्था
- सेनापती बापट मार्ग (माहीम आणि दादर)
- इंडिया बुल्स फायनान्स सेंटर (एल्फिन्स्टन) येथे पीपीएल
- शिवाजी पार्क येथील कोहिनूर मिल कंपाऊंडमधील कोहिनूर स्क्वेअर येथील पी.पी.एल
- कामगर स्टेडियम (सेनापती बापट रोड)
- एल्फिन्स्टनमधील इंडिया बुल्स सेंटर, ज्युपिटर मिल कंपाउंड येथे पीपीएल
हेही वाचा