नवी मुंबई महानगरपालिकेच्या वतीने भारतीय राज्यघटनेचे शिल्पकार भारतरत्न डॉ.बाबासाहेब आंबेडकर यांचा पुतळा सेक्टर 15 ऐरोली येथे ऐरोली-मुलुंड खाडी पुलाजवळ उभारण्यात आला.
यात आधुनिक ई-लायब्ररी सुविधांसह सुसज्ज ग्रंथालय, बाबासाहेबांच्या जीवनाचे चित्रण करणारे दुर्मिळ छायाचित्रांचे दालन, बाबासाहेबांच्या भाषणाचा प्रत्यक्ष अनुभव देणारे होलोग्राफिक सादरीकरण आहे.
भव्य ध्यान केंद्र, अत्याधुनिक सभागृह अशा उत्कृष्ट सुविधांमुळे या स्मारकाने गेल्या दीड वर्षात लोकांच्या हृदयात आदराचे आणि आपुलकीचे स्थान निर्माण केले आहे. येथे येणारा प्रत्येक व्यक्ती भारावून जातो आणि प्रत्येकजण आपल्या संपर्कात आलेल्या अनेकांना या स्मारकाला भेट देण्याचे आवाहन करतो.
भारतरत्न डॉ.बाबासाहेब आंबेडकर स्मारक नागरिकांसाठी सकाळी 10:00 ते रात्री 9:00 वाजेपर्यंत खुले आहे. स्मारकाच्या देखभालीसाठी आता आठवड्याच्या एका दिवशी म्हणजे सोमवारी ते बंद ठेवण्यात येणार आहे. स्मारकाच्या प्रवेशासाठी नागरिकांना कोणत्याही प्रकारचे प्रवेश शुल्क आकारले जाणार नाही आणि स्मारकामध्ये खाद्यपदार्थ नेण्यास मनाई आहे.
बाबासाहेब आंबेडकर यांच्या महापरिनिर्वाण दिनाच्या पूर्वसंध्येला 5 डिसेंबर 2021 रोजी महाराष्ट्र राज्याचे मुख्यमंत्री आणि तत्कालीन ठाणे जिल्ह्याचे पालकमंत्री एकनाथ शिंदे यांच्या आशीर्वादाने हे स्मारक जनतेसाठी खुले करण्यात आले. तेव्हापासून 1 वर्ष 7 महिने 10 दिवस म्हणजेच 589 दिवसांच्या कालावधीत 1,77,373 नागरिकांनी नोंदणी करून या स्मारकाला भेट दिली आहे. विशेषत: शनिवारी आणि रविवारी स्मारक पाहण्यासाठी नागरिकांची मोठी वर्दळ असते.
हेही वाचा
Share
Tweet
