नवी मुंबई आंतरराष्ट्रीय विमानतळ Navi Mumbai International Airport आता आपल्या कामकाजाच्या विस्ताराच्या दिशेने मोठे पाऊल टाकणार आहे. मे महिन्यापासून आंतरराष्ट्रीय उड्डाण सेवा सुरू करण्याची तयारी पूर्ण झाली आहे. देशांतर्गत उड्डाणे यशस्वीपणे सुरू झाल्यानंतर आता विमानतळ आंतरराष्ट्रीय प्रवाशांची सेवा देण्यासाठी सज्ज आहे.

मुळात आंतरराष्ट्रीय उड्डाणे 29 मार्चपासून सुरू होण्याचे नियोजन होते. मात्र, अमेरिका-इराण तणावामुळे जागतिक उड्डाण नियोजनावर परिणाम झाला आणि वेळापत्रक पुढे ढकलावे लागले.

सिटी अँड इंडस्ट्रियल डेव्हलपमेंट कॉर्पोरेशन (CIDCO) चे व्यवस्थापकीय संचालक विजय सिंघल (Vijay Singhal) यांच्या माहितीनुसार, सेवा सुरू झाल्यानंतर या विमानतळावर दररोज सुमारे 35 आंतरराष्ट्रीय उड्डाणे चालवली जाण्याची अपेक्षा आहे.

सध्या या विमानतळावर प्रवाशांचा प्रतिसाद हळूहळू वाढत असून टेक-ऑफ आणि लँडिंगची संख्या वाढताना दिसत आहे. आगामी काळात विमानतळाचे सर्व टप्पे पूर्ण झाल्यानंतर दरवर्षी तब्बल 9 कोटी प्रवाशांची क्षमता गाठण्याचे लक्ष्य आहे. त्यामुळे हा विमानतळ देशातील सर्वात व्यस्त एव्हिएशन हबपैकी एक ठरणार आहे.

या घडामोडीमुळे नवी मुंबईची आंतरराष्ट्रीय स्तरावर कनेक्टिव्हिटी मोठ्या प्रमाणात वाढणार असून, शहराची ओळख एक महत्त्वाचे जागतिक प्रवेशद्वार म्हणून अधिक मजबूत होणार आहे.

हेही वाचा

एअर इंडिया एक्सप्रेसची मुंबई-अहमदाबाद थेट विमानसेवा