ऑक्टोबरपर्यंत पाऊस होऊनही मुंबईला पाणीपुरवठा करणाऱ्या धरणांतील पाणीसाठा गेल्या वर्षीच्या तुलनेत यंदा घटला आहे. मुंबईला पाणीपुरवठा करणाऱ्या सातही तलावांमध्ये सध्या ३७ टक्के पाणी शिल्लक आहे. सध्या पाणीकपातीची शक्यता नसली तरी जून आणि जुलैमध्ये किती पाऊस पडतो यावर पाणीपुरवठ्याचे नियोजन केले जाणार आहे. पावसाचे आगमन लांबले तर मुंबईत पाणीकपात होण्याची शक्यता आहे.
एप्रिल महिना जवळ आला की मुंबईकरांनाही पाणीटंचाईची चिंता भेडसावत आहे. गेल्या वर्षी पाऊस चांगला झाल्याने मुंबईला पाणीपुरवठा करणारी धरणे काठोकाठ भरली होती. ऑक्टोबरअखेर धरणांमध्ये ९७ टक्के पाणीसाठा होता.
वर्षभराची पाण्याची चिंता मिटल्याचे दिसत होते. मात्र, एप्रिल महिनाही सुरू झालेला नसताना धरणांमधील पाणीसाठा ३७ टक्क्यांवर पोहोचला आहे. पुरेसा पाऊस पडेपर्यंत चार महिने, उन्हाळ्याचे दोन महिने आणि दोन महिने या पाणीपुरवठ्यावर मुंबईकर अवलंबून राहणार आहेत.
गेल्या वर्षी याच वेळी ४० टक्के पाणीसाठा शिल्लक होता. मुंबईला उध्वव वैतरणा, मोडकसागर, तानसा, मध्य वैतरणा, भातसा, विहार, तुळशी या सात धरणांमधून दररोज ३८०० दशलक्ष लिटर पाणीपुरवठा केला जातो. सातही तलावांमधील पाणीसाठा 14 लाख 47 हजार 363 दशलक्ष लिटरवर पोहोचल्यानंतर मुंबईकरांना पूर्ण क्षमतेने पाणीपुरवठा करणे शक्य झाले.
तसेच 31 जुलैपर्यंत तलावांमधील उपलब्ध पाणीसाठा पुरेसा राहील, यासाठी पालिकेच्या जल अभियंता विभागाने नियोजन केले आहे. १ ऑक्टोबर रोजी सर्व तलाव क्षमतेने भरल्यास वर्षभर पाणीपुरवठा सुरळीत राहील. तलाव पूर्ण क्षमतेने भरले नाहीत तर मुंबईत पाणीकपात होईल. यंदा पाणीटंचाईची शक्यता नसली तरी जून आणि जुलैमध्ये किती पाऊस पडतो यावर मुंबईच्या पाणीपुरवठ्याचे भवितव्य अवलंबून असणार आहे.
हेही वाचा
Share
Tweet
