शहरी जागेचे व्यवस्थापन सुलभ करण्यासाठी आणि महसूल वाढविण्यासाठी पश्चिम रेल्वेने (western railway) मुंबई सेंट्रल (mumbai central) विभागात वांद्रे टर्मिनस (bandra) येथे पहिला पार्किंग कम-स्टॅकिंगचे कंत्राट दिले आहे. स्टेशनजवळील एलिव्हेटेड रोडच्या खाली असलेल्या या सुविधेचे अधिकृतपणे 12 जुलै रोजी कामकाज सुरू झाले.

वांद्रे टर्मिनस (bandra terminus) येथील प्रमुख घाऊक तसेच किरकोळ बाजारपेठा आणि जवळच्या व्यावसायिक केंद्रांच्या जवळ असल्याने, स्थानिक पातळीवर संघटित पार्सल साठवणुकीची मागणी वाढत असल्याने हे पाऊल उचलण्यात आले. या सुविधेत वाहन पार्किंग आणि वस्तू साठवण्याची जागा दोन्ही उपलब्ध आहे.

ई-टेंडरिंगद्वारे देण्यात आलेल्या या कंत्राटात एकूण 3735.02 चौरस मीटर क्षेत्रफळ समाविष्ट आहे. ज्यामध्ये 3362.02 चौरस मीटर वाहन पार्किंगसाठी आणि 373 चौरस मीटर पार्सल स्टॅकिंगसाठी नियुक्त केले आहे.

आता कार्यरत असलेली ही सुविधा 11 जुलै 2028 पर्यंत चालेल, ज्यामुळे रेल्वेला 1,52,31,313 रुपये वार्षिक परवाना शुल्क मिळेल. मागील पार्किंग कराराच्या मूल्याच्या 62,00,674 रुपये प्रति वर्षापेक्षा हे 145.7% वाढ दर्शवते.

हेही वाचा

महाराष्ट्रात पुन्हा मुसळधार पाऊस

मरिन ड्राईव्हच्या स्वच्छतेवर महापालिका भर देणार