नवी मुंबई (navi mumbai) आंतरराष्ट्रीय विमानतळाचे 8 ऑक्टोबर पंतप्रधानांच्या हस्ते उद्घाटन होणार आहे. तिथे दररोज तब्बल 2 कोटींपेक्षा अधिक प्रवाशांची ये-जा होणार असल्याने त्यांच्या सुरक्षेचा प्रश्न गंभीर आहे.

त्यामुळेच तिथे आता स्वतंत्र पोलिस ठाणे निर्माण करण्याचा निर्णय घेतला गेला आहे. राज्य सरकारने नवी मुंबई विमानतळ (NMIA) परिसरात पोलिस ठाणे निर्माण करण्याला मंजुरी दिली आहे.

या पोलिस ठाण्यासाठी विविध संवर्गांतील एकूण 108 पदे निर्माण करण्यात येणार आहेत. या पोलिस ठाण्यासाठी तब्बल 4 कोटी रुपये इतक्या खर्चासही सरकारने मान्यता दिली आहे.

नवी मुंबई पोलिस आयुक्तालयातील पनवेल (panvel) शहर व उलवे पोलिस ठाण्यांच्या हद्दींचे विभाजन करून हे नवीन पोलिस ठाणे स्थापन केले जाणार आहे.

या नवीन पोलिस ठाण्यात 2 पोलिस निरीक्षक, 3 सहायक पोलिस निरीक्षक, 6 पोलिस उपनिरीक्षक, 6 सहायक पोलिस उपनिरीक्षक, 27 हवालदार, 42 पुरूष पोलिस शिपाई, 19 महिला पोलिस शिपाई आणि 3 चालक पोलिस शिपाई असतील.

नवी मुंबई विमानतळाचा भूमिपूजन सोहळा पंतप्रधान नरेंद्र मोदी (narendra modi) यांच्या हस्ते 18 फेब्रुवारी 2018 रोजी कोंबडभुजे येथे पार पडला होता. विमानतळाचे बांधकाम पाच टप्प्यांत पूर्ण होणार आहे.

येथे चार प्रवासी टर्मिनल, दोन रनवे, एक कार्गो ट्रक टर्मिनल आणि संरक्षण तसेच नागरी हवाई वाहतूक विभागाशी संबंधित अनेक महत्त्वाच्या सुविधा उभारल्या जाणार आहेत.

विमानतळ पूर्ण क्षमतेने सुरू झाल्यानंतर प्रत्येक वर्षी नऊ कोटी प्रवासी आणि 360 कोटी मेट्रिक टन माल या ठिकाणी हाताळला जाण्याची अपेक्षा आहे. त्याचबरोबर लंडन व हीथ्रो सारख्या मुख्य आंतरराष्ट्रीय विमानतळांवरून (international airport) येथे दररोज वाहतूक असणार आहे.

इतक्या मोठ्या प्रमाणात होणारी वाहतूक आणि सुरक्षा लक्षात घेऊन स्वतंत्र पोलिस ठाण्याची आवश्यकता निर्माण झाली होती.

हेही वाचा

ठाणे, कोपर रेल्वे स्थानक बुलेट ट्रेन स्थानकाशी जोडणार

झोपडपट्टीच्या पुनर्विकासासाठी 'क्लस्टर' योजना राबविणार