नवी मुंबईतल्या कमोठे परिसरात नात्याला काळिमा फासणारी घटना घडली आहे. एका 14 वर्षाच्या मुलाने पॉर्न व्हिडिओ पाहून आपल्या 16 वर्षाच्या मोठ्या बहिणीवर बलात्कार केला. याप्रकरणी पोलिसांनी 14 वर्षाच्या किशोरची रवानगी बाल सुधारगृहात केली आहे.
कामोठे पोलिस ठाण्याचे पोलिस उपनिरीक्षक परशुराम भतुसे यांनी दिलेल्या माहितीनुसार 'आरोपी किशोरला पॉर्न मुव्ही आणि व्हिडिओ पाहिण्याची सवय होती. त्यामुळे तो आपल्या मोबाईलवर नेहमी पॉर्न व्हिडिओ पाहायचा. हा व्हिडिओ पाहूनच त्याने आपल्या 2 वर्षाने मोठ्या असलेल्या बहिणीवर बलात्कार केला. मुलीने 6 जून रोजी पोटात दुखू लागल्याची तक्रार केल्यानंतर तपासणीसाठी तिला रुग्णालयात दाखल करण्यात आलं. त्यावेळी ही बाब उजेडात आली.
पोलिसांनी सांगितलं 'दोघे भाऊ-बहीण कामोठे येथील घराच्या पहिल्या मजल्यावर राहतात. तर त्यांचे पालक तळमजल्यावर राहतात. मुलीने पोटात दुखू लागल्याचं सांगितल्यानंतर पालकांनी तिला डॉक्टरकडे नेलं. जिथे तपासणीनंतर ती 2 महिन्यांची गर्भवती असल्याचं निष्पन्न झालं.
'मुलीची तपासणी करणारी डॉक्टर ही बाल कल्याण समितीची सदस्य असून त्यांनी अल्पवयीन मुलगी गर्भवती असल्याची माहिती पोलिसांना दिली. यानंतर पोलिसांनी मुलीकडे विचारणा केली असता, भावाकडून 2 महिन्यापासून लैंगिक अत्याचार होत असल्याचं समोर आलं.
याप्रकणी पोलिसांनी 7 जून रोजी आरोपीला अटक केली. पोलिसांनी सांगितलं की, मुलीचे पालक कामाच्या निमित्ताने घरातून बाहेर असतात. त्यावेळी फक्त हे दोघे भाऊ बहीण घरात असतात.
Share
Tweet
