दिल्लीनंतर आता मुंबईतही बॉम्बने उडवून देण्याची धमकी देण्यात आल्याने एकच खळबळ उडाली आहे. मुंबईतील उच्च न्यायालयाला बॉम्बने उडवून देण्याचा धमकीचा ई-मेल मिळाल्यानंतर तात्काळ खबरदारी म्हणून कोर्ट परिसर रिकामा करण्यात आलं. सध्या सुरक्षा यंत्रणांकडून संपूर्ण परिसरात कसून तपास सुरू आहे.

मिळालेल्या माहितीनुसार, हा धमकीचा ई-मेल शुक्रवारी सकाळी आला. या मेलमध्ये कोर्ट बॉम्बने उडवून देण्याची धमकी देण्यात आली. या घटनेची माहिती मिळताच पोलिसांनी तात्काळ पावले उचलली.

कोर्ट परिसरातील सर्व कामकाज थांबवून कर्मचाऱ्यांसह लोकांना सुरक्षित ठिकाणी हलवण्यात आले. बॉम्बशोधक आणि नाशक पथक आणि स्थानिक पोलीस पथके घटनास्थळी पोहोचली असून, प्रत्येक कोपऱ्याचा तपास करत आहेत.

स्पेशल सेलने देशभरातून पाच संशयित दहशतवाद्यांना बुधवारी आणि गुरुवारी कारवाई करुन अटक केली होती. त्यांच्याकडून मोठ्या प्रमाणात शस्त्रे आणि स्फोटकेही जप्त करण्यात आली होती. त्यामुळे, या घटनेचा आणि अटक केलेल्या दहशतवाद्यांचा काही संबंध आहे का, याचाही तपास पोलीस करत आहेत. या गंभीर घटनेमुळे मुंबई शहराच्या सुरक्षेवर पुन्हा एकदा प्रश्नचिन्ह निर्माण झाले आहे.

हेही वाचा

मुंबईत बॉम्बच्या धमकीमुळे पोलिस हाय अलर्टवर