भारत सरकारच्या पोर्ट परिवहन मंत्रालयाचं बनावट लेटरहेड बनवून विविध ट्रेनिंग अॅकॅडमींना कारणे दाखवा नोटीस पाठवण्यात आल्याचा धक्कादायक प्रकार नुकताच उघडकीस आला आहे. हा प्रकार लक्षात आल्यानंतर शिपींग कार्पोरेशनमध्ये कार्यरत असलेल्या संदीप अवस्थी यांनी त्वरीत कांजूर मार्ग पोलिस ठाण्यात तक्रार दाखल केली. या प्रकरणी तपास सुरू असल्याची माहिती वरिष्ठ पोलिस निरीक्षक गजानन तपाले यांनी दिली.
काय आहे प्रकरण?
कांजूरमार्ग परिसरात राहणारे संदीप अवस्थी शिपींग काॅर्पोरेशनमध्ये नोकरी करतात. २० जुलैपासून भारत सरकारच्या पोर्ट परिवहन मंत्रालयातर्फे देहराडूनच्या संचालक अॅकॅडमी आॅफ इंटरनॅशनल मेरिटाईम ट्रेनिंग या इन्सटीट्युटला चुकीचा कारभार सुरू असल्याचं म्हणत कारणे दाखवा नोटीस बजावण्यात येत होती. यासंदर्भात पाठवण्यात आलेल्या लेटरहेडवर संबंधित अधिकाऱ्याची बनावट स्वाक्षरीही करण्यात आली होती. या घटनेनंतर शिपींग काॅर्पोरेशनमध्ये एकच खळबळ उडाली.
बदनामीकारक नोटीस
मात्र बनावट लेटरहेडचा वापर करून ही नोटीस बजावण्यात आल्याचा प्रकार शिपींग कार्पोरेशनमध्ये कार्यरत असलेल्या संदीप अवस्थी यांच्या निदर्शनास आला. या बनावट लेटरहेडद्वारे बदनामीकारक नोटीसा पाठवत भारत सरकार पोर्ट परिवहन मंत्रालयाची बदनामी करण्यात आल्याने संदीप अवस्थी यांनी ई-मेल द्वारे परिमंडळ ७ कडे तक्रार नोंदवली होती.
त्यानुसार कांजूरमार्ग पोलिसांनी कलम ४६५, ४६९, ४७१, ५००, ५०१,भा.द.वि. सह कलम ६६(क) माहिती तंत्रज्ञान अधिनियम २००० अंतर्गत अनोळखी व्यक्तींविरोधात गुन्हा नोंदवला आहे. या प्रकरणी कांजूरमार्ग पोलिस अधिक तपास करत आहेत.
भारत सरकारच्या पोर्ट परिवहन मंत्रालयाचं बनावट लेटरहेड बनवून विविध ट्रेनिंग अॅकॅडमींना कारणे दाखवा नोटीस पाठवण्यात आल्याचा धक्कादायक प्रकार नुकताच उघडकीस आला आहे. हा प्रकार लक्षात आल्यानंतर शिपींग कार्पोरेशनमध्ये कार्यरत असलेल्या संदीप अवस्थी यांनी त्वरीत कांजूर मार्ग पोलिस ठाण्यात तक्रार दाखल केली. या प्रकरणी तपास सुरू असल्याची माहिती वरिष्ठ पोलिस निरीक्षक गजानन तपाले यांनी दिली.
काय आहे प्रकरण?
कांजूरमार्ग परिसरात राहणारे संदीप अवस्थी शिपींग काॅर्पोरेशनमध्ये नोकरी करतात. २० जुलैपासून भारत सरकारच्या पोर्ट परिवहन मंत्रालयातर्फे देहराडूनच्या संचालक अॅकॅडमी आॅफ इंटरनॅशनल मेरिटाईम ट्रेनिंग या इन्सटीट्युटला चुकीचा कारभार सुरू असल्याचं म्हणत कारणे दाखवा नोटीस बजावण्यात येत होती. यासंदर्भात पाठवण्यात आलेल्या लेटरहेडवर संबंधित अधिकाऱ्याची बनावट स्वाक्षरीही करण्यात आली होती. या घटनेनंतर शिपींग काॅर्पोरेशनमध्ये एकच खळबळ उडाली.
बदनामीकारक नोटीस
मात्र बनावट लेटरहेडचा वापर करून ही नोटीस बजावण्यात आल्याचा प्रकार शिपींग कार्पोरेशनमध्ये कार्यरत असलेल्या संदीप अवस्थी यांच्या निदर्शनास आला. या बनावट लेटरहेडद्वारे बदनामीकारक नोटीसा पाठवत भारत सरकार पोर्ट परिवहन मंत्रालयाची बदनामी करण्यात आल्याने संदीप अवस्थी यांनी ई-मेल द्वारे परिमंडळ ७ कडे तक्रार नोंदवली होती.
त्यानुसार कांजूरमार्ग पोलिसांनी कलम ४६५, ४६९, ४७१, ५००, ५०१,भा.द.वि. सह कलम ६६(क) माहिती तंत्रज्ञान अधिनियम २००० अंतर्गत अनोळखी व्यक्तींविरोधात गुन्हा नोंदवला आहे. या प्रकरणी कांजूरमार्ग पोलिस अधिक तपास करत आहेत.