नागरिकांच्या सुरक्षेसाठी मुंबई पोलीस ( mumbai police) सर्वतोपरी प्रयत्न करत आहेत. आता मुंबई पोलिसांच्या शरीरावर कॅमेरे (Camera on the body) बसविण्यात येणार आहेत. बाॅडी वाॅर्न कॅमेरा (Body Worn Camera) असं या कॅमेऱ्याचं नाव आहे. हे कॅमेरे ५०० पोलिसांच्या शरीरावर बसवले जाणार आहेत. मुंबईत आंदोलन, मोर्चा, मिरवणुका आणि सभांच्या वेळी तेथे बंदोबस्तावेळी असलेल्या पोलिसांच्या शरीरावर हे बॉडी वॉर्न कॅमेरे बसविण्यात येणार आहेत. याशिवाय गस्तीवर असणाऱ्या पोलिसांच्या शरीरावर हे कॅमेरे बसविण्यात येणार आहेत

पोलिसांच्या गाडीसमोरील काचेवर आणि गाडीवरही कॅमेरे (camera) बसविण्यात येणार आहेत. कॅमेऱ्यांमुळे गुन्हे रोखण्याबरोबरच गुन्हेगारांना पकडताही येणार आहे. पोलिसांच्या शरीरावर बसवण्यात येणाऱ्या या कॅमेऱ्यात वायफाय (WiFi), जीपीएस (gps), ब्लूटुथ (bluetooth) सारख्या सुविधा असतील आणि हे कॅमेरे कंट्रोल रुमशी कनेक्ट असतील. तसंच  या कॅमेऱ्याने रात्रीही रेकॉर्डिंग केली जाणार आहे. पोलिसांवर जमावकडून होणारा हल्ला आणि वाहतुकीचं उल्लंघन आदी प्रसंगातही या कॅमेऱ्यांचा पोलिसांना फायदा होणार आहे. 

जेट एअरवेजचे माजी चेअरमन नरेश गोयल यांच्या घरावर ईडीचा छापा