काही दिवसांपूर्वी चार जणांनी एका दलित तरुणाला जाळल्याची घटना गुजरातमध्ये घडली होती. या घटनेमुळे गुजरातचं राजकीय वातावरणही तापलं होतं. न्यायासाठी तेथील नागरिक रस्त्यावर उतरल्यानंतर पोलिसांनी तिघांना अटक केली होती. पण या गुन्ह्यातील एक आरोपी फरार होता. अखेर मुंबई पोलिसांच्या गुन्हे शाखेने या आरोपीच्या मुसक्या आवळल्या आहेत. देवायत जोवता असं या आरोपीचं नाव आहे. या प्रकरणाच्या पुढील तपासासाठी मुंबई पोलिस आरोपी देवायतला गुजरात पोलिसांकडे सुपूर्द करतील, अशी माहिती गुन्हे शाखेच्या पोलिसांनी दिली आहे.
काय आहे प्रकरण?
गुजरातमध्ये चालक म्हणून काम करणाऱ्या भरत उका गोहाली (26) याने काही दिवसांपूर्वी त्याचा मित्र महेंद्र परमार याच्याकडून एक कार विकत घेतली होती. भरतला या व्यवहाराचे फक्त 30 हजार रुपये महेंद्रला देणे बाकी होते. भरतने आपण काही दिवसांतच उर्वरित पैसे देऊ असं आश्वासन महेंद्रला दिलं होतं. मात्र अचानक पैशांसाठी महेंद्रने भरतजवळ तगादा लावला. भरत पैसे देत नसल्यामुळे महेंद्रने राजकीय पक्षाचा कार्यकर्ता असलेल्या देवायतला भरतकडून पैसे वसूल करण्यास सांगितले.
देवायत पैशांसाठी भरतला रोजच धमकावू लागला. रोजच्या धमकीला कंटाळलेल्या भरतने अखेर स्थानिक पोलिस ठाण्यात देवायत विरोधात गुन्हा नोंदवला. याचा राग सहन न झालेल्या देवायतने 23 फेब्रुवारी रोजी तीन मित्रांच्या मदतीने भरतची गाडी अडवून गाडीसह त्याला पेटवून दिलं. भरतच्या निर्घृण हत्येनंतर संतापलेले दलित नागरिक रस्त्यावर उतरले. गुजरातमध्ये कायदा आणि सुव्यवस्थेचा प्रश्न उपस्थित झाल्यानंतर पोलिसांनी गुन्ह्यातील तीन आरोपींना अटक केली. मात्र, देवायत गुजरातमधून पळून मुंबईत आला. देवायतला राजकीय पक्षाच्या एका नेत्याने पळून जाण्यास मदतही केल्याचं बोललं जातं. तसेच, त्याची मुंबईतील व्यवस्थाही त्याच नेत्याने केल्याचं बोललं जातं.
कसा सापडला आरोपी?
गुजरातमधून पळून आलेल्या देवायतने मुंबईत आसरा घेतल्याची माहिती मुंबई पोलिसांनी गुजरात पोलिसांना दिली. गुन्हे शाखेच्या पोलिसांना मिळालेल्या गुप्त माहितीनुसार देवायत जुहूतल्या एका हॉटेलमध्ये थांबला होता. त्यानुसार पोलिसांनी परिसरातील सर्व हॉटेल, लॉज, गेस्ट हाऊस तपासले. त्यापैकी एका हॉटेलमध्ये देवायतची नोंद सापडली. त्यावेळी देवायत काही तासांपूर्वीच त्या हॉटेलमधून सामानासकट पसार झाला होता. गुजरातमधून मुंबईत आलेला देवायत मुंबईतून पुन्हा गुजरातला पळून जाण्याच्या प्रयत्नात होता. त्याने रिक्षा हेरत ठाणे गाठले. पुढ खासगी कारने तो गुजरातला पळूनच जाणार होता. पण त्यापूर्वीच पोलिसांनी नाकाबंदी करून देवायतला विरार येथून अटक केली.
काही दिवसांपूर्वी चार जणांनी एका दलित तरुणाला जाळल्याची घटना गुजरातमध्ये घडली होती. या घटनेमुळे गुजरातचं राजकीय वातावरणही तापलं होतं. न्यायासाठी तेथील नागरिक रस्त्यावर उतरल्यानंतर पोलिसांनी तिघांना अटक केली होती. पण या गुन्ह्यातील एक आरोपी फरार होता. अखेर मुंबई पोलिसांच्या गुन्हे शाखेने या आरोपीच्या मुसक्या आवळल्या आहेत. देवायत जोवता असं या आरोपीचं नाव आहे. या प्रकरणाच्या पुढील तपासासाठी मुंबई पोलिस आरोपी देवायतला गुजरात पोलिसांकडे सुपूर्द करतील, अशी माहिती गुन्हे शाखेच्या पोलिसांनी दिली आहे.
काय आहे प्रकरण?
गुजरातमध्ये चालक म्हणून काम करणाऱ्या भरत उका गोहाली (26) याने काही दिवसांपूर्वी त्याचा मित्र महेंद्र परमार याच्याकडून एक कार विकत घेतली होती. भरतला या व्यवहाराचे फक्त 30 हजार रुपये महेंद्रला देणे बाकी होते. भरतने आपण काही दिवसांतच उर्वरित पैसे देऊ असं आश्वासन महेंद्रला दिलं होतं. मात्र अचानक पैशांसाठी महेंद्रने भरतजवळ तगादा लावला. भरत पैसे देत नसल्यामुळे महेंद्रने राजकीय पक्षाचा कार्यकर्ता असलेल्या देवायतला भरतकडून पैसे वसूल करण्यास सांगितले.
देवायत पैशांसाठी भरतला रोजच धमकावू लागला. रोजच्या धमकीला कंटाळलेल्या भरतने अखेर स्थानिक पोलिस ठाण्यात देवायत विरोधात गुन्हा नोंदवला. याचा राग सहन न झालेल्या देवायतने 23 फेब्रुवारी रोजी तीन मित्रांच्या मदतीने भरतची गाडी अडवून गाडीसह त्याला पेटवून दिलं. भरतच्या निर्घृण हत्येनंतर संतापलेले दलित नागरिक रस्त्यावर उतरले. गुजरातमध्ये कायदा आणि सुव्यवस्थेचा प्रश्न उपस्थित झाल्यानंतर पोलिसांनी गुन्ह्यातील तीन आरोपींना अटक केली. मात्र, देवायत गुजरातमधून पळून मुंबईत आला. देवायतला राजकीय पक्षाच्या एका नेत्याने पळून जाण्यास मदतही केल्याचं बोललं जातं. तसेच, त्याची मुंबईतील व्यवस्थाही त्याच नेत्याने केल्याचं बोललं जातं.
कसा सापडला आरोपी?
गुजरातमधून पळून आलेल्या देवायतने मुंबईत आसरा घेतल्याची माहिती मुंबई पोलिसांनी गुजरात पोलिसांना दिली. गुन्हे शाखेच्या पोलिसांना मिळालेल्या गुप्त माहितीनुसार देवायत जुहूतल्या एका हॉटेलमध्ये थांबला होता. त्यानुसार पोलिसांनी परिसरातील सर्व हॉटेल, लॉज, गेस्ट हाऊस तपासले. त्यापैकी एका हॉटेलमध्ये देवायतची नोंद सापडली. त्यावेळी देवायत काही तासांपूर्वीच त्या हॉटेलमधून सामानासकट पसार झाला होता. गुजरातमधून मुंबईत आलेला देवायत मुंबईतून पुन्हा गुजरातला पळून जाण्याच्या प्रयत्नात होता. त्याने रिक्षा हेरत ठाणे गाठले. पुढ खासगी कारने तो गुजरातला पळूनच जाणार होता. पण त्यापूर्वीच पोलिसांनी नाकाबंदी करून देवायतला विरार येथून अटक केली.
हेही वाचा
ड्रायव्हर-लोडरच्या नावावर कंपन्या! पायधुनीत कस्टम लायसन्सचा घोटाळा उघड