प्रलंबित मागण्यांच्या पूर्ततेसाठी महाराष्ट्र राज्य कनिष्ठ महाविद्यालयीन शिक्षक संघटनेने इयत्ता बारावीच्या परीक्षेच्या पेपर तपासणीवर टाकलेला बहिष्कार कायम आहे. यामुळे आत्तापर्यंत राज्यात बारावीचे ६५ लाख पेपर तापसणीविना पडून आहेत. या पार्श्वभूमीवर राज्य सरकारने या संघटनेच्या ४ मागण्या मान्य केल्या आहेत, अशी माहिती शालेय तसंच उच्च आणि तंत्रशिक्षण मंत्री विनोद तावडे यांनी बुधवारी विधिमंडळाच्या दोन्ही सभागृहात एका निवेदनाद्वारे दिली.
या मागण्या सरकारने मान्य केल्या आहेत. त्यामुळे कनिष्ठ महाविद्यालयीन शिक्षक महासंघाने आपले बहिष्कार आंदोलन मागे घ्यावे असं आवाहन विनोद तावडे यांनी केलं.
या संदर्भात शिक्षक महासंघाला विचारणा केली असता आमच्या एकूण ३२ मागण्या प्रलंबित आहेत. त्यातील केवळ ४ मागण्या सरकारने मान्य केल्या आहेत. त्यातही या संदर्भात आम्हाला अद्याप कोणतंही लेखी पत्र मिळालेलं नाही, अशी माहिती शिक्षक महासंघाचे अध्यक्ष अनिल देशमुख यांनी दिली.
त्यामुळे जोपर्यंत आमच्या सगळ्या मागण्या सरकारकडून लेखी स्वरूपात मान्य होत नाहीत, तोपर्यंत आंदोलन मागे न घेण्याचा पवित्रा कनिष्ठ महाविद्यालयीन शिक्षक महासंघाने घेतला आहे.
हेही वाचा-
धक्कादायक! बारावीचे ६५ लाख पेपर तपासणीविना पडून!!
Share
Tweet
