गेल्या अनेक दिवसांपासून संपूर्ण राज्याचं लक्ष लागून राहिलेल्या राज्य शिक्षण मंडळाच्या दहावी बोर्डाचा निकाल शुक्रवारी ८ जून रोजी जाहीर करण्यात आला आहे. दरम्यान विद्यार्थ्यांना त्यांचा वैयक्तिक निकाल १ वाजल्यापासून अधिकृत वेबसाईटवर ऑनलाइन पद्धतीने पाहता येणार आहे. या निकालाची प्रिंटआऊटही काढता येणार आहे. यंदाचा निकाल राज्यातील ८९.४१ टक्के लागला आहे.
यंदा दहावीच्या निकालासाठी मुंबई विभागाचा निकाल ९०.४१ टक्के इतका लागला आहे. तर राज्यात कोकण विभागाचा निकाल ९६ टक्के एवढा सर्वाधिक लागला आहे. नागपूर विभागाचा निकाल सर्वात कमी ८५.९७ टक्के लागला आहे.
महाराष्ट्र राज्य माध्यमिक व उच्च माध्यमिक शिक्षण मंडळाच्या वतीने १ मार्च ते २४ मार्च २०१८ दरम्यान घेण्यात आलेल्या दहावीच्या परीक्षेतील मुंबई, पुणे, नागपूर, औरंगाबाद, कोल्हापूर, अमरावती, नाशिक, लातूर आणि कोकण या नऊ विभागांचा निकाल एकाचवेळी जाहीर करण्यात आला आहे. दरवर्षीप्रमाणे यंदाच्या निकालातही मुलींनी बाजी मारली असून उत्तीर्ण होणाऱ्या मुलींचे प्रमाण ९१.९७ टक्के आहे.
बीएसएनएल ग्राहकांनी ५७७६६ या क्रमांकावर MHHSC असं टाईप करून स्पेस दिल्यानंतर आसन क्रमांक टाका आणि ते ५७७६६ या क्रमांकावर एसएमएस पाठवा, यानंतर तुम्हाला तुमचा निकाल प्राप्त होईल.
हेही वाचा -
यंदा विद्यार्थ्यांचा कॉमर्सकडे वाढता कल
एमएचटी- सीईटी परीक्षेत मुंबईतून खुशाल राठी टॉपर
Share
Tweet
