बॉलिवूड अभिनेता रितेश देशमुख आणि त्याचा भाऊ अमित देशमुखला लातूर जिल्हा मध्यवर्ती सहकारी बँकेनं ११ एकर जमिनीवर चार कोटी ७० लाख रुपयांचे कर्ज दिल्याचे कागदपत्रे सोशल मीडियावर व्हायरल झाली होती. ही कागदपत्र सामाजिक कार्यकर्त्या मधू किश्वर यांनी देखील ट्विटरवर शेअर केली होती. मात्र त्यांच्या ट्विटवर रितेशनं उत्तर देत कर्ज घेतलं नसल्याचा खुलासा केला.
I am also deeply impressed by the gracious manner in which @Riteishd pointed out my mistake. Thank you Riteish, that one tweet of yours carried many valuable lessons. https://t.co/EBdyqmm63g
— MadhuPurnima Kishwar (@madhukishwar) December 3, 2019
रितेश देशमुखनं ट्विट केल्यानंतर त्यांनी त्यांचं ट्विट डिलीट तर केलंच शिवाय त्यांनी रितेशची माफी देखील मागितली आहे. ‘माझ्या मुंबईमधील एका मित्रानं मला ही माहिती दिली. मी जाणूबुजून कधीच कोणाबाबत चुकीची माहिती शेअर करत नाही. मला माफ करा या प्रकरणात माझी दिशाभूल झाली. यापुढे मी माझ्या जवळच्या मित्रांवरही विश्वास ठेवणार नाही. मी दिलगिरी व्यक्त करते. पण ज्याप्रकारे तुम्ही या प्रकरणावर प्रतिक्रिया दिली त्याबद्दल मी तुमचे कौतुक करते. रितेश तुझे खूप खूप आभार तुझ्या एका ट्विटने मला अनेक महत्त्वाचे धडे मिळाले,’ असं त्यांनी ट्विटमध्ये म्हटलं आहे. रितेशनं देखील त्यांना 'धन्यवाद' असं ट्विट करून म्हटलं आहे.
Dear @madhukishwar Ji, The said paper in circulation is with malafide motive. Neither me nor my brother @AmitV_Deshmukh have availed any loan as mentioned in the paper posted by you. Hence, there is no question of any loan waiver whatsoever. Please don’t be misled. Thank you. https://t.co/yCfxNt2ZRm
— Riteish Deshmukh (@Riteishd) December 3, 2019
मधू किश्वर यांनी मंगळवारी रितेशनं कर्ज घेतल्याची काही कागदपत्रे शेअर केली होती. कागदपत्रे सोशल मीडियावर पोस्ट करताच रितेशनं यासंदर्भात स्पष्टीकरण दिलं. ‘सोशल मीडियावर ही कागदपत्रं चुकीच्या उद्देशानं पसरवली जात आहेत. मी आणि अमितनं कोणतेच कर्ज घेतलेलं नाही. त्यामुळे कोणत्याही कर्जमाफीचा प्रश्नच उद्भवत नाही. कृपया गैरसमज करून घेऊ नका’ असं ट्विट केलं होतं. रितेशच्या ट्विटनंतर मधू किश्वर यांनी आरोप मागे घेत रितेशची माफी मागितली.
हेही वाचा