मागील काही दिवसांपासून ‘भाडिपा’ अर्थातच भारतीय डिजिटल पार्टीने मराठी रसिकांसाठी मनोरंजनाचं एक नवं दालन खुलं केलं आहे. वर्तमान परिस्थितीवर विनोदी अंगाने भाष्य करतानाच विविध सेलिब्रिटीजच्या खुमासदार मुलाखतीही भाडिपाच्या माध्यमातून रसिकांसमोर आणल्या आहेत. आता भाडिपाने आपला मोर्चा राजकारणाकडे वळवला असून ‘विषय खोल’च्या माध्यमातून खऱ्या अर्थाने याची चिरफाड करण्यात येणार आहे.
निवडणुकीचा विषय खोल
२०१९ सुरू झाल्यापासून सगळीकडेच सार्वत्रिक निवडणुकांचे वारे वाहू लागले आहेत. कॉलेजच्या कट्ट्यापासून गावातील चावडीपर्यंत आणि युट्यूब चॅनलपासून वृत्तवाहिन्यांच्या पॅनलपर्यंत सध्या निवडणूक, राजकारण, मतदान, विकास आणि सर्वसामान्यांच्या समस्यांवर जोरदार चर्चा होताना दिसते. याच पार्श्वभूमीवर भाडिपानेही पुढाकार घेत ‘विषय खोल’ हा काहीसा अनोखा उपक्रम हाती घेतला आहे.
तरूण आणि नेत्यांमधील संवादाचा दुवा
आजूबाजूला घडणाऱ्या घटनांवर खुमासदार शैलीत टीका करत निखळ विनोदनिर्मिती करणं हा भाडिपाचा युएसपी आहे, पण आता केवळ मनोरंजनापुरती मर्यादित न राहता ‘लोकमंच’ या कार्यक्रमाच्या माध्यमातून या संस्थेने एक नवा उपक्रम हाती घेतला आहे. निवडणुकींच्या पार्श्वभूमीवर तरुण मतदार आणि राजकीय नेते यांच्यातील संवादाचा दुवा साधण्यासाठी भाडिपाने ‘विषय खोल’ हे नवीन युट्यूब चॅनल सुरु केलं आहे.
मुख्यमंत्र्यांशी संवाद
‘आरडा-ओरडा, भांडण, गोंधळ थांबवूया आता एकत्र येऊन चर्चा करूया!’ असं म्हणत ‘विषय खोल’ चॅनलच्या माध्यमातून महाराष्ट्रातील प्रमुख नेत्यांना ते तुमच्या शहरात घेऊन येणार आहेत. आमचे प्रश्न, आमच्या समस्या आम्ही कोणासमोर मांडायच्या? त्या ऐकणार कोण? या सर्वसामान्यांचा प्रश्नाचं उत्तर म्हणजे ‘भाडिपा लोकमंच’चं ‘विषय खोल’ हे युट्युब चॅनल. ‘लोकमंच’ उपक्रमाची सुरुवात नागपूर शहरातून होत असून येत्या २ फेब्रुवारीला नागपूर येथील यशवंतराव चव्हाण अभियांत्रिकी महाविद्यालयात महाराष्ट्राचे मुख्यमंत्री ‘देवेंद्र फडणवीस’ यांच्याशी ‘विषय खोल’चे ‘निपुण धर्माधिकारी’ संवाद साधणार आहेत.
युट्यूबवरून लाईव्ह
रस्ते, दळणवळण, शिक्षण, रोजगार, पाणी, स्वच्छता, अशा विविध मुद्द्यांवर तुमचं म्हणणं तुम्ही ‘विषय खोल’च्या मंचावरून थेट महाराष्ट्रातल्या नामवंत नेत्यांसमोर मांडू शकणार आहात. युट्युब वरून हा कार्यक्रम लाईव्ह पाहता येणार असल्याने तुम्ही त्याद्वारेही तुमचे प्रश्न मांडू शकता. सध्या ‘विषय खोल’ची रिसर्च टीम प्रत्येक शहरातल्या नागरिकांना भेडसावणाऱ्या प्रश्नांचा शोध घेत आहे. राजकारणापासून सुरुवात करत इतरही अनेक विषयांच्या मूळाशी जाण्याचा प्रयत्न ‘विषय खोल’ची टीम करणार आहे.
मागील काही दिवसांपासून ‘भाडिपा’ अर्थातच भारतीय डिजिटल पार्टीने मराठी रसिकांसाठी मनोरंजनाचं एक नवं दालन खुलं केलं आहे. वर्तमान परिस्थितीवर विनोदी अंगाने भाष्य करतानाच विविध सेलिब्रिटीजच्या खुमासदार मुलाखतीही भाडिपाच्या माध्यमातून रसिकांसमोर आणल्या आहेत. आता भाडिपाने आपला मोर्चा राजकारणाकडे वळवला असून ‘विषय खोल’च्या माध्यमातून खऱ्या अर्थाने याची चिरफाड करण्यात येणार आहे.
निवडणुकीचा विषय खोल
२०१९ सुरू झाल्यापासून सगळीकडेच सार्वत्रिक निवडणुकांचे वारे वाहू लागले आहेत. कॉलेजच्या कट्ट्यापासून गावातील चावडीपर्यंत आणि युट्यूब चॅनलपासून वृत्तवाहिन्यांच्या पॅनलपर्यंत सध्या निवडणूक, राजकारण, मतदान, विकास आणि सर्वसामान्यांच्या समस्यांवर जोरदार चर्चा होताना दिसते. याच पार्श्वभूमीवर भाडिपानेही पुढाकार घेत ‘विषय खोल’ हा काहीसा अनोखा उपक्रम हाती घेतला आहे.
तरूण आणि नेत्यांमधील संवादाचा दुवा
आजूबाजूला घडणाऱ्या घटनांवर खुमासदार शैलीत टीका करत निखळ विनोदनिर्मिती करणं हा भाडिपाचा युएसपी आहे, पण आता केवळ मनोरंजनापुरती मर्यादित न राहता ‘लोकमंच’ या कार्यक्रमाच्या माध्यमातून या संस्थेने एक नवा उपक्रम हाती घेतला आहे. निवडणुकींच्या पार्श्वभूमीवर तरुण मतदार आणि राजकीय नेते यांच्यातील संवादाचा दुवा साधण्यासाठी भाडिपाने ‘विषय खोल’ हे नवीन युट्यूब चॅनल सुरु केलं आहे.
मुख्यमंत्र्यांशी संवाद
‘आरडा-ओरडा, भांडण, गोंधळ थांबवूया आता एकत्र येऊन चर्चा करूया!’ असं म्हणत ‘विषय खोल’ चॅनलच्या माध्यमातून महाराष्ट्रातील प्रमुख नेत्यांना ते तुमच्या शहरात घेऊन येणार आहेत. आमचे प्रश्न, आमच्या समस्या आम्ही कोणासमोर मांडायच्या? त्या ऐकणार कोण? या सर्वसामान्यांचा प्रश्नाचं उत्तर म्हणजे ‘भाडिपा लोकमंच’चं ‘विषय खोल’ हे युट्युब चॅनल. ‘लोकमंच’ उपक्रमाची सुरुवात नागपूर शहरातून होत असून येत्या २ फेब्रुवारीला नागपूर येथील यशवंतराव चव्हाण अभियांत्रिकी महाविद्यालयात महाराष्ट्राचे मुख्यमंत्री ‘देवेंद्र फडणवीस’ यांच्याशी ‘विषय खोल’चे ‘निपुण धर्माधिकारी’ संवाद साधणार आहेत.
युट्यूबवरून लाईव्ह
रस्ते, दळणवळण, शिक्षण, रोजगार, पाणी, स्वच्छता, अशा विविध मुद्द्यांवर तुमचं म्हणणं तुम्ही ‘विषय खोल’च्या मंचावरून थेट महाराष्ट्रातल्या नामवंत नेत्यांसमोर मांडू शकणार आहात. युट्युब वरून हा कार्यक्रम लाईव्ह पाहता येणार असल्याने तुम्ही त्याद्वारेही तुमचे प्रश्न मांडू शकता. सध्या ‘विषय खोल’ची रिसर्च टीम प्रत्येक शहरातल्या नागरिकांना भेडसावणाऱ्या प्रश्नांचा शोध घेत आहे. राजकारणापासून सुरुवात करत इतरही अनेक विषयांच्या मूळाशी जाण्याचा प्रयत्न ‘विषय खोल’ची टीम करणार आहे.
हेही वाचा -
पहा, शमिताचं फुकेटमधील बर्थडे सेलिब्रेशन!
संदिप पाटीलांच्या भूमिकेत मुलगा चिराग