वर्षाला जास्त चित्रपट करण्यात अभिनेता अक्षय कुमारचा कोणी हात धरू नाही शकत. वर्षाला ४-५ चिक्षपट अक्षय कुमार करतोच करतो. आता चित्रपट करण्यामध्येच नाही तर कमाईमध्ये देथील तो सर्वांहून वरचढ आहे. एका वर्षात बॉक्स ऑफिसवर ७०० कोटींची कमाई करून अक्षयनं इतिहासच रचला आहे.
अक्षयचा केसरी, मिशन मंगल, हाऊसफुल 4 आणि गुड न्यूज हे चार चित्रपट वर्ष २०१९ मध्ये प्रदर्शित झाले. या चारही चित्रपटांनी बॉक्स ऑफिसवर उत्तम कमाई केली आहे. अक्षय कुमारनं २०१९ मध्ये १५३ कोटींची कमाई केलेल्या, 'केसरी' चित्रपटापासून सुरुवात केली होती. त्यानंतर त्याचा दुसरा चित्रपट 'मिशन मंगल' होता. ज्यानं २०० कोटींची कमाई केली. हाऊसफुल 4 या तिसऱ्या चित्रपटानं २०६ कोटी रुपये कमावले. तर 'गुड न्यूज' चित्रपटानं आतापर्यंत १५० कोटींची कमाई केली आहे. अजूनही हा चित्रपट बॉक्स ऑफिसवर गर्दी खेचतच आहे. अशा प्रकारे अक्षय कुमारच्या चित्रपटांनी कमाईबाबत ७०० कोटींचा आकडा गाठला आहे.
२०१९ मध्ये अक्षय कुमार नंतर, हृतिक रोशननं फिल्म वॉरमधून ३१७.९१ कोटी आणि सुपर ३० मधून १४६.९४ कोटी कमाई करून द्वितीय क्रमांक मिळविला आहे. टायगर श्रॉफ तिसर्या क्रमांकावर आहे. त्यानं वॉरमधून ३१७.९१ आणि स्टुडंट ऑफ द इयर ६९.११ कोटी म्हणजे ३८७.०२ कोटी कमावले आहेत.
अभिनेता | वर्ष | चित्रपटांची संख्या | कमाई |
अक्षय कुमार | २०१९ | ४ चित्रपट | ७१९.४९ कोटी |
हृतिक रोशन | २०१९ | २ चित्रपट | ४६४.८५ कोटी |
टायगर श्रॉफ | २०१९ | २ चित्रपट | ३८७.०२ |
रणवीर सिंह | २०१८ | २ चित्रपट | ५४२.४६ कोटी |
प्रभास | २०१७ | १ चित्रपट | ५१०.९९ कोटी |
सलमान खान | २०१५ | २ चित्रपट | ५३०.५० कोटी |
हेही वाचा