उकाड्याने कासावीस झालेल्या मुंबईकरांसाठी एक आनंदाची बातमी आहे. यंदाच्या वर्षी मुंबईमध्ये सरासरीपेक्षा जास्त पाऊस पडेल. सोशल मीडिया वापरकर्ता मुंबई नावकास्ट यांनी ट्विटरवर भारताच्या नकाशाचे चित्र शेअर केले. अरबी समुद्र आणि बंगालच्या उपसागरावर ढग दिसत आहेत. 

यामध्ये जून आणि जुलै महिन्यात मुंबईत सरासरीपेक्षा जास्त पावसाचा अंदाज वर्तवला आहे. "बघूया कोणते नवे विक्रम प्रस्थापित होतील. #MumbaiRains," असे ट्विटमध्ये म्हटले आहे.

Sea of Clouds in Arabian Sea and Bay of Bengal. Soo beautiful. Above Normal Rains this June & July for Mumbai. Let's see what new records will be set. #MumbaiRains pic.twitter.com/EF931BUyMb

— Mumbai Nowcast (@MumbaiNowcast) May 22, 2024

गेल्या आठवड्यापासून कोकणातील तापमानाचा प्रभाव या आठवड्यातही कायम आहे. मुंबई, ठाणे, पालघर जिल्ह्यांना बुधवारपर्यंत उष्ण आणि दमट हवामानासाठी 'यलो अलर्ट' देण्यात आला होता. प्रादेशिक हवामान विभागाने इशारा अपडेट केला असून, पुढील दोन दिवस उष्ण हवामानाचा अंदाज वर्तवला आहे.

बुधवार ते शुक्रवार धुळे, नंदुरबार, जळगाव, नाशिक जिल्ह्यात विविध ठिकाणी उष्णतेच्या लाटेचा इशारा देण्यात आला आहे. अशात मुंबईकरांसाठी एक दिलासादायक बातमी समोर आली आहे. मुंबईत जूनच्या पहिल्या आठवड्यापासून पावसाला सुरुवात होणार आहे.

अहवालानुसार, पूर्वीच्या अपेक्षेप्रमाणे, पहिला आठवडा पावसासाठी पूर्णपणे अनुकूल दिसत आहे. जूनच्या पहिल्या आठवड्यात मान्सूनपूर्व सरी कोसळल्यानंतर मुंबईत जूनच्या मध्यापासून जोरदार पावसाची अपेक्षा आहे.

हेही वाचा

मुंबईत 36 फ्लेमिंगो पक्ष्यांचा मृत्यू

मुंबईत मान्सून लवकर दाखल होणार, उन्हापासून मिळणार दिलासा