मराठी बिग बॉसच्या घरात सुरू असलेल्या शाळा सुटली पाटी फुटली हे साप्ताहिक कार्य खूपचं रंगात आलं आहे. यात आता वादविवादांसोबत हिंदी चित्रपटातील गीतंही ऐकायला मिळत आहेत.
बिग बॉस मराठीच्या घरामध्ये शाळा सुटली पाटी फुटली या टास्कमधून काल शिक्षकांनी शिवानी सुर्वे, विद्याधर जोशी यांना नापास केलं, तर विणानं तिच्या विद्यार्थ्यासोबत सेल्फी काढला. आज देखील हा टास्क रंगणार असून पराग कान्हेरे घेत असलेल्या प्रेमशास्त्र या तासाला सगळ्यांनाच आपलं प्रेम व्यक्त करण्याची संधी मिळत आहे. या तासात सगळ्याच सदस्यांनी बाजी मारली आहे. आज या तासाला विणा आणि शिव यांचा ‘आंखो कि गुस्ताखीयां…’ या गाण्यावर सुंदर डान्स बघायला मिळणार आहे. तर माझ्या फोटोवर कोणी नापास लिहायचं नाही, मी कायम पास होते असं शिवानी माधवला सांगताना दिसणार आहे. तिनं तिच्या फोटोवर नापास लिहिलेलं पुसून टाकलं.
हेही वाचा -
सलमाननं घोषित केली 'सूर्यवंशी'ची रिलीज डेट
Share
Tweet
