नाचोस हा पदार्थ तसा मॅक्सिकन. पण भारतातदेखील नाचोस हा पदार्थ खवय्यांच्या चांगलाच पसंतीस उतरला आहे. मला खात्री आहे नाचोसचं नाव घेताच सर्वांच्या तोंडाला पाणी सुटलं असेल. कल्पना करा की हे नाचोस तुम्हाला फ्री खायला मिळाले तर? तुमची कल्पना प्रत्यक्षात उतरणार आहे.
घाटकोपरमध्ये 'न्यू बरीतो कंपनी'चे नवीन आऊटलेट ओपन झाले आहे. या निमित्त तुम्हाला २५ ऑगस्ट म्हणजेच शनिवारी विनामुल्य नाचोस खाण्याची संधी मिळणार आहे. मुळचा मॅक्सिकन पदार्थ असला तरी खास करून मुंबईकरांच्या चांगलाच पसंतीस उतरला. कुरकुरीत नाचोस आणि सोबतीला सॉस... आहाहा... कधी न खाल्लेल्यांच्या तोंडाला देखील पाणी सुटलं असेल. सर्वात महत्त्वाचं तुम्हाला या आऊटलेटमध्ये फक्त नाचोस फ्री मिळणार आहेत.
फक्त नाचोसच नाही तर इतर मॅक्सिकन पदार्थांचादेखील आस्वाद तुम्हाला घेता येणार आहेत. टाकोज, मॅक्सिकन क्रिमी पोटॅटोज, टोफू अॅण्ड पोटॅटो असे अनेक प्रकार तुम्ही इथं चाखू शकता.
याशिवाय तुम्ही स्वत:चं मिलदेखील तयार करू शकता. स्वत:च्या मिलसाठी तुम्हाला ब्राऊन राईस, व्हाईट राईस, फजीट्स, पीन्टो बीन्स आणि ब्लॅक बीन्स यापैकी एक पर्याय निवडावा लागेल. त्यानंतर सालसा दे क्युसो, सालसा वेरदे, सालसा रोजा, पीको दे गालो आणि सॉर क्रिम अॅण्ड मयोनिज यापैकी एक सॉस तुमच्या मिलसाठी निवडायचा आहे. सर्वात शेवटी क्रंची लेट्यूस, ग्रीन चिलीज, जेलीपिनोज यापैकी एक अॅड करण्याचा पर्याय दिला जाईल.
बरीतो कंपनीनं त्यांच्या मेन्यूमध्ये काही विशिष्ट पदार्थांचा समावेश केला आहे. कॉर्न अॅण्ड पमकिन सूप आणि मॅक्सिकन पिझ्झा या दोन पदार्थांना मॅक्सिकन तडका देण्यात आला आहे. एकूणच मॅक्सिकन पदार्थांची हटके चव तुम्हाला इथं चाखता येणार आहे.
तुम्हाला मॅक्सिकन पदार्थांचा आस्वाद घ्यायचा असेल तर घाटकोपरमधल्या बरीतो कंपनी या आऊटलेटला नक्की भेट द्या. सकाळी ११ ते रात्री ११ या वेळेत तुम्ही या आऊटलेटला भेट देऊ शकता.
कुठे : विक्रांत सर्कल, लोखीट को. ऑ.हाऊसिंग सोसायटी, शॉप नंबर १६, विक्रांत टिळक रोड, घाटकोपर
वेळ : सकाळी ११ ते रात्री ११
हेही वाचा
Share
Tweet
