नवी मुंबईत सोमवारी कोरोनाचे नवीन ३६६ रुग्ण

नवी मुंबईत सोमवारी (५ ऑक्टोबर) कोरोनाचे नवीन ३६६ रुग्ण सापडले आहेत. तर ५ रुग्णांचा मृत्यू झाला आहे. येथील एकूण रुग्णांची संख्या आता ३८,४६८ झाली आहे.

सोमवारी बेलापूर ५४, नेरुळ ४७, वाशी ३६, तुर्भे ९२, कोपरखैरणे ५९, घणसोली २०, ऐरोली ५३, दिघामध्ये ५  नवे रुग्ण आढळले आहेत. दिवसभरात ३५२ जणांनी कोरोनावर मात केली आहे.  बेलापूर ६२, नेरुळ ६०, वाशी ४६, तुर्भे ३६, कोपरखैरणे ५३,  घणसोली ३५, ऐरोली ५६, दिघामधील ४ बरे झाले आहेत.  

बरे झालेल्या रुग्णांची एकूण संख्या ३४,०३७ झाली आहे. तर मृतांचा आकडा ७८३ झाला आहे. नवी मुंबईत सध्या ३६४८ रुग्णांवर उपचार सुरु आहेत. तर कोरोनामुक्तीचा दर ८८ टक्के झाला आहे. 

शहरात खासगी रुग्णालयातील करोना रुग्णांच्या देयकांच्या तक्रारी मोठय़ा प्रमाणावर वाढल्या आहेत. यासाठी पालिकेने पालिका मुख्यालयातील तळमजल्यावर विशेष तक्रार निवारण कक्ष स्थापन केला आहे. संपर्कासाठी ०२२२/ ७५६७३८९  किंवा ७२०८४९००१० या व्हॉटसअँप क्रमांकावर संपर्क करण्याचे आवाहन केले आहे.

हेही वाचा -

रेमडेसिवीरचा काळाबाजार झाल्यास…

Coronavirus Updates: कोरोनाच्या उपाययोजनांवरील खर्चात ५० टक्के कपात करण्याच्या सूचना