नवी मुंबईत सोमवारी कोरोनाचे नवीन ९१ रुग्ण

नवी मुंबईत सोमवारी (९ नोव्हेंबर) कोरोनाचे नवीन ९१ रुग्ण सापडले आहेत. तर २ रुग्णांचा मृत्यू झाला आहे. येथील एकूण रुग्णांची संख्या आता ४५,५६७ झाली आहे. 

सोमवारी बेलापूर ८, नेरुळ १७, वाशी १४, तुर्भे १८, कोपरखैरणे ११, घणसोली ६, ऐरोली ५, दिघामध्ये २ नवे रुग्ण आढळले आहेत. दिवसभरात १५० जणांनी कोरोनावर मात केली आहे. बेलापूर २७, नेरुळ १७, वाशी १४, तुर्भे १७, कोपरखैरणे २२, घणसोली ३०, ऐरोली १५, दिघामध्ये ८ रुग्ण बरे झाले आहेत.  

बरे झालेल्या रुग्णांची एकूण संख्या ४३,३३७ झाली आहे. तर मृतांचा आकडा ९२५ झाला आहे. नवी मुंबईत सध्या १३०५ रुग्णांवर उपचार सुरु आहेत. तर कोरोनामुक्तीचा दर ९५ टक्के झाला आहे. 

शहरात खासगी रुग्णालयातील करोना रुग्णांच्या देयकांच्या तक्रारी मोठय़ा प्रमाणावर वाढल्या आहेत. यासाठी पालिकेने पालिका मुख्यालयातील तळमजल्यावर विशेष तक्रार निवारण कक्ष स्थापन केला आहे. संपर्कासाठी ०२२२/ ७५६७३८९  किंवा ७२०८४९००१० या व्हॉटसअॅप क्रमांकावर संपर्क करण्याचे आवाहन केले आहे.

हेही वाचा-

अर्णब गोस्वामींना जामीन नाहीच, उच्च न्यायालयाने फेटाळला अर्ज