मुंबई महापालिकेच्या रुग्णालयांमध्ये मुंबईबाहेरील रुग्णांनी सेवा घेतल्यास त्यांच्याकडून अतिरिक्त शुल्क आकारण्याचे संकेत मुंबई महापालिकेच्या अर्थसंकल्पातून (BMC Budget) देण्यात आले आहेत. यास तीव्र विरोध होत आहे. भाजपचे आमदार आशिष शेलार (Ashish Shelar) यांनी लगेचच आपली नाराजी नोंदवली आहे.

मुंबई शहरात व उपनगरात मुंबई महापालिकेची अनेक रुग्णालयं आहेत. या रुग्णालयांमध्ये आरोग्याच्या उत्तम सुविधा पुरवल्या जातात. अनेक मोठ्या व किचकट शस्त्रक्रिया केल्या जातात. त्यामुळं केवळ मुंबई शहरच नव्हे तर आजूबाजूच्या जिल्ह्यातील व राज्यभरातील अनेक रुग्ण इथं उपचार घेण्यासाठी येत असतात. त्यामुळं या रुग्णालयांमध्ये कायम मोठी गर्दी असते.