केंद्र सरकारनं रेमडेसिवीरवरील आयात शुल्क हटवले (Import Duty Free) आहेत. मंगळवारी रात्री उशिरा या इंजेक्शनासाठी लागणाऱ्या औषधी सामग्रीवरील आयात (imports of Remdesivir API) शुल्क हटवण्यात आले आहेत. यामुळे इंजेक्शनचं देशांतर्गत उत्पन्न वाढवण्यात आणि तुटवडा कमी करण्यात मदत होणार आहे.

सरकारनं मंगळवारी रेमडेसिवीर, त्याच्यासाठी लागणारा कच्चा माल आणि ते बनवण्यासाठी वापरल्या जाणाऱ्या इतर घटकांचे सीमा शुल्क माफ केले आहेत.

महसूल विभागानं जाहीर केलेल्या निवेदनात म्हटलं आहे की, केंद्र सरकारनं ज्या वस्तूंवर शुल्क माफ केलं आहे त्यात रेमेडिसवीर, रेमेडिसवीर इंजेक्शन्स आणि बीटा सायक्लोडोडक्स्ट्रिनच्या निर्मितीमध्ये वापरले जाणारे सक्रिय फार्मास्युटिकल साहित्य (एपीआय) यांचा समावेश आहे. आयात शुल्कात ही सूट ३१ ऑक्टोबरपर्यंत लागू राहील.

In line with PM @NarendraModi's priority to ensure affordable medical care for COVID-19 patients, imports of Remdesivir API, injection and specific inputs have been made import duty free. This should increase supply and reduce cost thus providing relief to patients. pic.twitter.com/F40SX8mNeS

— Piyush Goyal (@PiyushGoyal) April 20, 2021

केंद्रीय मंत्री पियुष गोयल यांनी ट्वीट केलं आहे, की कोरोनाच्या उपचारात प्रभावी मानल्या जाणाऱ्या रेमडेसिवीर इंजेक्शनसाठी वापरल्या जाणार्‍या कच्च्या मालाच्या (Remdesivir API) आयातीवर कोणतीही फी आकारली जाणार नाही. याशिवाय रेमडेसिवीर इंजेक्शनची आयातही शुल्कमुक्त करण्यात आली आहे. केंद्र सरकारच्या घोषणेनं हे औषध येत्या काळात देशात पुरेशा प्रमाणात उपलब्ध होण्याची अपेक्षा आहे.

देश में #Remdesivir का उत्पादन डबल यानी की 3 लाख वाइल प्रतिदिन की क्षमता से जल्द ही शुरू किया जाएगा । pic.twitter.com/9Lqnxttne6

— Mansukh Mandaviya (@mansukhmandviya) April 18, 2021

केंद्रीय मंत्री मनसुख मांडविया यांनी आपल्या ट्विटर हँडलवरुन एक व्हिडिओ शेअर करत म्हटलं, की भारत सरकार रेमडेसिवीरचं उत्पादन वाढवण्याचा आणि ते कमी किमतीत उपलब्ध करुन देण्यासाठी पूर्ण प्रयत्न करत आहे.

हेही वाचा

परदेशी कोरोना लसीवरील १० टक्के कस्टम ड्युटी माफ होणार?

कोरोना लसीची नासाडी करणात तामिळनाडू अव्वल, महाराष्ट्र 'या' क्रमांकावर