मुंबईत १९ रुग्णालयांमध्ये कोरोनाची तपासणी, उपचार

कोरोनाविषयक चाचणी आणि उपचार करण्याची सुविधा मुंबई महापालिकेच्या 8 रुग्णालयांसह 19 रुग्णालयांमध्ये उपलब्ध करून देण्यात आली आहे.

By मुंबई लाइव्ह टीमआरोग्य

Mumbai

मुंबईत १९ रुग्णालयांमध्ये कोरोनाची तपासणी, उपचार

कोरोनाविषयक चाचणी आणि उपचार करण्याची सुविधा मुंबई महापालिकेच्या 8 रुग्णालयांसह 19 रुग्णालयांमध्ये उपलब्ध करून देण्यात आली आहे. मुंबईमधील कोरोना रुग्ण व संशयितांची संख्या वाढू लागली आहे. सुरुवातीला पालिकेच्या कस्तुरबा रुग्णालयात तपासणीची व उपचाराची सुविधा उपलब्ध करण्यात आली होती. मात्र, आता पालिकेच्या 8 आणि खासगी 11 रुग्णालयांमध्ये कोरोनाविषयक चाचणी आणि उपचार करण्याची सुविधा सुविधा उपलब्ध करण्यात आली आहे. परदेशवारी करून आलेल्यांना सेव्हन हिल्स रुग्णालयात अथवा त्यांच्याच घरात वेगळे राहण्याची सुविधा करण्यात आली.

ही आहेत रुग्णालये

पालिका रुग्णालये

केईएम सर्वोपचार रुग्णालय, लोकमान्य टिळक सर्वोपचार रुग्णालय, नायर रुग्णालय, कूपर रुग्णालय, हिंदुहृदयसम्राट बाळासाहेब ठाकरे ट्रॉमा केअर रुग्णालय, भाभा रुग्णालय, वांद्रे, भाभा रुग्णालय, कुर्ला, राजावाडी रुग्णालय, घाटकोपर

खासगी रुग्णालये

ब्रिच कँडी, एच. एन. रिलायन्स रुग्णालय, लीलावती रुग्णालय, रहेजा रुग्णालय, हिंदुजा रुग्णालय, फोर्टिस रुग्णालय, बॉम्बे हॉस्पिटल, वोक्हार्ट रुग्णालय, कोकिळाबेन रुग्णालय, नानावटी रुग्णालय, हिरानंदानी रुग्णालय.

घरबसल्या सल्ला

करोनाची लक्षणे जाणवणाऱ्या मुंबईकरांना घरबसल्या या डॉक्टरांशी दूरध्वनीवरुन संपर्क साधता येईल. डॉक्टरांच्या सल्ल्यासाठी दूरध्वनी क्रमांक ०२०-४७०-८५-०-८५ वर सकाळी १० ते सायंकाळी ७ या वेळेत ही सेवा उपलब्ध राहील. रोगाची लक्षणे वाटत असलेल्या नागरिकांना या डॉक्टरांशी संपर्क साधून आपल्या शंकाचे निरसन करुन घेता येईल. दूरध्वनी करणाऱ्या व्यक्तीची वैद्यकीय चाचणी करणे गरजेचे आहे. असे वाटल्यास ती कुठे करावी याबाबत मार्गदर्शन करतील. तसेच संबंधितांना आपल्या आरोग्याविषयी दूरध्वनीवरूनच डॉक्टरांकडे पाठपुरावा करता येईल.

खासगी वैद्यकीय प्रयोगशाळा