Advertisement

लस घेतल्यानंतरही झाला कोरोना, मुंबईतील डॉक्टर ३ वेळा कोरोना पॉझिटिव्ह

मुलुंडमधील एक २६ वर्षीय डॉक्टर ३ वेळा कोरोनाबाधित आढळली आहे.

लस घेतल्यानंतरही झाला कोरोना, मुंबईतील डॉक्टर ३ वेळा कोरोना पॉझिटिव्ह
SHARES

जून २०२० पासून मुलुंडमधील एक २६ वर्षीय डॉक्टर ३ वेळा कोरोनाबाधित आढळली आहे. चिंतेची बाब म्हणजे यावर्षी कोरोना लसीचे दोन्ही डोस घेतल्यानंतर डॉक्टर दोनदा कोरोनाबाधित पॉझिटिव्ह आढळली. आतापर्यंत तीन वेळा पॉझिटिव्ह आढळलेल्या डॉ सृष्टि हलारी म्हणाल्या, वारंवार माझे रिपोर्ट पॉझिटिव्ह येत असल्यामुळे गोंधळून गेल्याची माहिती त्यांनी टाइम्स ऑफ इंडियाला दिली.

मुंबईमधील संसर्गासंदर्भात कोरोनाच्या रचनेमधील बदल आणि जडणघडणीचा अभ्यास करण्याच्या उद्देशानं सध्या वेगवेगळ्या भागांमधील नागरिकांच्या चाचण्या केल्या जात आहेत. त्याचाच भाग म्हणून डॉ. सृष्टी यांचा स्वॅबही घेण्यात आला आहे. अशाप्रकारे पुन्हा पुन्हा संसर्ग होणं हे खरं तर गोंधळात टाकणारं असल्याचं डॉ. सृष्टी हलारी सांगतात.

लसीकरणानंतरही डॉ सृष्टी यांना कोरोनाची लागण कशी झाली, याची तपासणी करण्यासाठी स्वॅब गोळा करण्यात आला आहे, असं पालिकेच्या एका अधिकाऱ्यानं सांगितलं.

मुंबई महानगरपालिकेने आणि खासगी रुग्णालयात सॅंपल देण्यात आले आहेत. संसर्गाचे कारण शोधण्यात येत आहे. मुंबई महानगरपालिकेच्या कोविड सेंटरमध्ये कार्यरत असताना डॉ. हलारी १७ जून २०२० रोजी पॉझिटिव्ह आढळल्या. त्यानंतर यावर्षी २९ मे आणि ११ जुलै रोजी त्यांना संसर्ग झाला.

डॉ. सृष्टीवर उपचार करत असलेले डॉ. मेहुल ठक्कर म्हणाले, मे महिन्यात झालेला दुसरा संसर्ग जुलैमध्ये पुन्हा सक्रिय झाला असावा. तसंच एफएमआरचे संचालक डॉ. नर्गिस मिस्त्री म्हणाले की, कदाचित कोरोनाचा नवीन प्रकार समोर येत आहे.



हेही वाचा

'या' कोरोना केंद्रांचं खासगीकरण अंतिम टप्प्यात

१८ ते ४४ वयोगटातील लाभार्थ्यांच्या दुसऱ्या डोसला प्राधान्य द्या

Read this story in हिंदी or English
संबंधित विषय
‘मुंबई लाइव्ह’च्या ताज्या बातम्यांसाठी सब्स्क्राईब करा