घरपोच मद्यविक्रीचा (home delivery of liquor) निर्णय एका दिवसाने पुढं ढकलण्यात आल्याची माहिती सूत्रांनी दिली आहे. शिवाय मुंबई, पुण्यासहित औरंगाबादमध्ये (red zone mumbai and pune) हा निर्णय लागू होणार नसल्याने मद्यप्रेमींना आणखी काही काळ प्रतीक्षा करावी लागणार आहे. राज्य शासनाने काढलेल्या परिपत्रकानुसार गुरुवार १४ मे सकाळी १० वाजल्यापासून ही सेवा सुरु होणार होती.
राज्य सरकारच्या गृहविभागाने (home ministry) ११ मे २०२० रोजी परिपत्रक काढत १४ मे सकाळी १० वाजल्यापासून मद्याची घरपोच सेवा देण्यास परवानगी दिली होती. मद्यविक्रीचा परवाना असणाऱ्या मद्य दुकानांना ही सेवा देता येईल, तर ज्यांच्याकडे परमिट आहे त्यांनाच ही सेवा घेता येईल, असंही त्यात नमूद करण्यात आलं होतं.
हेही वाचा- आता घरपोच मिळेल दारू, होम डिलिव्हरीला सरकारची परवानगी
अटी-शर्ती पुढीलप्रमाणे:
मात्र, हा निर्णय एका दिवसाने पुढं ढकलण्यात आला आहे.
त्याशिवाय कंटेन्मेंट तसंच रेड झोनमध्ये ही सेवा मिळणार नाही. त्यामुळे मुंबई, ठाणे, पुणे, औरंगाबाद यांसारख्या रेड झोनमध्ये ही सेवा मिळणार नाही. ज्या जिल्ह्यात दुकानं उघडी आहेत तिथेच ही सेवा लागू होणार आहे. स्थानिक प्रशासनाने याबाबत काही वेगळा निर्णय घेतला तर त्याठिकाणी ही सेवा सुरु करता येईल. या आदेशात बदल करण्याचा किंवा तो मागे घेण्याचा अधिकार हा राज्य सरकारकडे असणार आहे. त्यामुळे मद्यप्रेमींना अजून काही काळ दारूसाठी वाट बघावी लागणार आहे.