केंद्र सरकारने २०२५ पर्यंत भारताला टीबीमुक्त करण्याची योजना जाहीर केली आहे. परंतु मुंबईत 2023 मध्ये 63 हजारांहून अधिक क्षयरोगाचे नवीन रुग्ण आढळून आले आहेत. तर 2 हजारांहून अधिक क्षयरुग्णांचा मृत्यू झाला आहे.

बीएमसीच्या आरोग्य विभागाच्या अधिकाऱ्यांनी सांगितले की, गेल्या वर्षी मुंबईत केंद्र सरकारच्या नोंदणी प्रणालीमध्ये 63,644 नवीन क्षयरुग्णांची नोंद झाली आहे. या आकडेवारीनुसार मुंबईत दर तासाला सात टीबीचे रुग्ण आढळून येत आहेत. तसेच 2,147 रुग्णांचा मृत्यू झाला आहे. क्षयरोगाचे रुग्ण मोठ्या प्रमाणात आढळून येत असले तरी गेल्या वर्षी केवळ 10,913 रुग्ण क्षयरोगावर मात करू शकले. (Mumbai TB news)

बीएमसीच्या आरोग्य विभागाच्या म्हणण्यानुसार, क्षयरोगाच्या रुग्णावर उपचार करण्यासाठी सहा महिने, फुफ्फुसाच्या व्यतिरिक्त क्षयरोगासाठी नऊ महिने आणि औषध प्रतिरोधक क्षयरोगाच्या रुग्णांना दोन वर्षे लागतात. त्यामुळे रुग्णांना बरे होण्यास मदत होते, असेही सांगण्यात आले. एचआयव्ही रुग्णांना क्षयरोग होण्याचा धोका वाढतो कारण त्यांची रोगप्रतिकारक शक्ती कमकुवत होते. तसेच कुपोषित बालकांना क्षयरोग होण्याचा धोका तिप्पट असतो.

क्षयरोगाचे रुग्ण इतर काही कारणानेही दगावू शकतात. मात्र, रुग्णाचा मृत्यू क्षयरोगाने झाल्याचे सांगण्यात आले. त्यामुळे क्षयरोगाच्या रुग्णांच्या मृत्यूचे प्रमाण जास्त आहे. त्याचप्रमाणे मुंबईतील रुग्ण बरे होण्याचे प्रमाण ८२ टक्के आहे. महापालिकेच्या आरोग्य विभागातील एका वरिष्ठ अधिकाऱ्याने सांगितले की, निक्षेवर नोंदणी केल्यानंतर ते अद्ययावत होण्यास वेळ लागतो.

हेही वाचा

आता तुम्हाला ॲपद्वारे मानसिक आरोग्याविषयी मिळेल योग्य माहिती

मुंबई हायकोर्टाकडून ठाणे पालिकेला त्यांच्या रुग्णालयात मोफत वैद्यकीय सेवा पुरविण्याचे आदेश