मुंबईत स्वत:च्या घराचं स्वप्न पाहणाऱ्यांचं स्वप्न लवकरच पूर्ण होणार आहे. त्यासाठी महाराष्ट्र गृहनिर्माण क्षेत्र विकास प्राधिकरणाने (म्हाडा) तयारी केली आहे. सुमारे साडेतीन हजार घरांसाठी म्हाडा प्रशासनाकडून मे अखेरीस जाहिरात दिली जाणार आहे. जुलै किंवा ऑगस्टमध्ये घरांची लॉटरी निघू शकते.

म्हाडाच्या एका वरिष्ठ अधिकाऱ्याने दिलेल्या माहितीनुसार, मुंबईतील अनेक प्रकल्पांमध्ये म्हाडाची घरे आहेत. प्रशासनाने तयार केलेल्या घरांची यादी तयार करण्यात येत आहे. सर्व अभियंत्यांकडून त्यांच्या आवारातील पूर्ण झालेल्या घरांची माहिती गोळा केली जात आहे.

आठवडाभरात हे काम पूर्ण होईल. गोरेगावच्या दोन प्रकल्पांमध्ये सुमारे 2600 घरे पूर्ण झाली आहेत. म्हाडाच्या प्रकल्पांशी संबंधित इतर साइटवरून माहिती मिळाल्यास लॉटरीत समाविष्ट होणाऱ्या घरांची संख्या आणखी वाढू शकते. येत्या 15 ते 20 दिवसांत लॉटरीसाठी जाहिराती दिल्या जातील.

किंमती अद्याप निश्चित नाहीत

मुंबईतील तयार घरांची किंमत म्हाडाने अद्याप अधिकृतपणे जाहीर केलेली नाही. पण मिळालेल्या माहितीनुसार, EWS घरांच्या किमती जवळपास 35 लाख रुपये आणि LIG घरांच्या किमती 45 लाखांच्या आसपास असू शकतात.

प्रतीक्षा करण्याची गरज नाही

2019 ही शेवटची म्हाडाची लॉटरी मुंबईत निघाली होती. गेल्या चार वर्षांपासून लोक लॉटरीची वाट पाहत आहेत. मात्र यावेळी म्हाडाने सोडत प्रक्रियेत बदल केल्याने लोकांची घरांची प्रतीक्षा लांबली आहे.

नवीन नियमानुसार ज्या इमारतींना ओसी आणि सीसी मिळाले आहे. अशा इमारतींचाच लॉटरीत समावेश करण्याचा निर्णय सरकारने घेतला आहे. याआधी लॉटरी विजेत्यांना घराच्या चाव्या मिळण्यासाठी सुमारे दोन ते तीन वर्षे किंवा त्याहून अधिक कालावधी लागत असे. म्हणूनच सरकारने सर्व नियमांची पूर्तता करणारी घरेच लॉटरीचा भाग बनवण्याचा निर्णय घेतला आहे.

हेही वाचा

एप्रिल महिन्याअखेर म्हाडाच्या घरांची सोडत, कधी आणि कसा भराल अर्ज?

म्हाडाच्या लॉटरीसाठी सरकारने नियमात केला 'हा' बदल