प्रो-कबड्डीच्या सहाव्या पर्वात यू मुंम्बा संघातील सर्वोत्तम चढाईपटू सिद्धार्थ देसाईनं इतिहास रचला आहे. सिद्धार्थने प्रो कबड्डीमध्ये पदार्पण करत चार सामन्यांमध्ये बळींचे अर्धशतक पूर्ण केलं आहे. याआधी अनुप कुमार आणि अजय ठाकूर या दोन खेळाडूंनी हा विक्रम केला होता. मात्र हा विक्रम त्यांनी पाच सामन्यांमध्ये केला होता. परंतु, सिद्धार्थने फक्त चार सामन्यांमध्येच बळींचे अर्धशतक पूर्ण करत ५१ गुणांची कमाई केली आहे.
यू मुम्बानं ३४ लाखांची बोली लावत राष्ट्रीय कबड्डी स्पर्धेत महाराष्ट्र संघाचं प्रतिनिधित्व करणाऱ्या सिद्धार्थला आपल्या संघात दाखल केलं होतं. यू मुम्बा संघाने मागील पाच पर्व कर्णधार अनूप कुमारच्या जोरावर चांगली कामगिरी केली होती. मात्र यंदाच्या पर्वात अनूप कुमार संघात नसल्याने त्याची जागा सिद्धार्थ भरून काढताना पाहायला मिळत आहे.
या पर्वात नवे खेळाडू अनुभवी खेळाडूंना चांगलीच टक्कर देताना पाहायला मिळत आहे. यामध्ये सर्वोत्तम चढाईपटूंच्या यादीत सिद्धार्थ देसाई पाचव्या स्थानावर आहे.
Desai, durust aaye. 😎
— ProKabaddi (@ProKabaddi) October 17, 2018
Fastest to 50 raid points in #VivoProKabaddi history, @U_Mumba's Siddharth Desai is making his mark in some style! #HARvMUM pic.twitter.com/Kp0aszw7QC