मुंबईत काँग्रेसला मोठा धक्का बसला आहे. मुंबईत शिवसेनेपाठोपाठ आता काँग्रेसलाही फटका बसला आहे.
काँग्रेसच्या पाच माजी नगरसेवकांनी शिंदे गटात जाण्याचा निर्णय घेतला आहे. या पाचही नगरसेवकांनी मुंबई काँग्रेसच्या अध्यक्षा वर्षा गायकवाड यांच्याकडे राजीनामे दिले आहेत. हे सर्व नगरसेवक शिंदे गटात गेल्याचे समोर आले आहे.
पुष्पा कोळी (सायन), वाजिद कुरेशी (चांदिवली), बब्बू खान (धारावी), गंगा कुणाल माने (धारावी), भास्कर शेट्टी (धारावी) अशी राजीनामे दिलेल्या माजी नगरसेवकांची नावे आहेत. यातील चार नगरसेवक वर्षा गायकवाड यांच्या भागातील असल्याने त्यांना मोठा धक्का बसला आहे.
या सर्व नगरसेवकांनी वर्षा गायकवाड यांच्याकडे राजीनामे सादर केले आहेत. यानंतर मुख्यमंत्री एकनाथ शिंदे यांच्या उपस्थितीत ठाण्यातील शिंदे गटात हे माजी नगरसेवक सामील झाले.
वर्षा गायकवाड आपल्या कामाच्या पद्धतीवर असमाधानी असल्याने राजीनामा देत असल्याचे माजी नगरसेविकेने सांगितले. दुसरीकडे, आतापर्यंत 17 माजी नगरसेवकांनी शिवसेना ठाकरे गट सोडून शिंदे गटात प्रवेश केला आहे.
हेही वाचा
Share
Tweet
