देशाचे पंतप्रधान नरेंद्र मोदी लवकरच मुंबई दौऱ्यावर येणार आहेत. नवी मुंबई मेट्रोचे उद्घाटन राज्य सरकारच्या वतीने पंतप्रधान नरेंद्र मोदी यांच्या हस्ते होणार आहे. खारघरच्या सेंट्रल पार्क मैदानावर हा कार्यक्रम होणार आहे.
याबाबत अधिक माहिती अशी की, नवी मुंबई मेट्रोचा 11 किलोमीटरचा मार्ग पूर्ण झाला असून, त्याचा उद्घाटन समारंभ पंतप्रधान नरेंद्र मोदी यांच्या हस्ते होणार आहे. या कार्यक्रमासाठी पंतप्रधान नरेंद्र मोदी लवकरच मुंबईत येणार आहेत.
राज्य सरकारच्या नारी शक्ती सन्मान योजना कार्यक्रमात पंतप्रधान नरेंद्र मोदी सहभागी होणार आहेत. यासोबतच पंतप्रधान मोदींच्या हस्ते बहुप्रतिक्षित नवी मुंबई मेट्रोचे उद्घाटन होणार आहे. पंतप्रधान मोदींच्या दौऱ्याच्या नियोजनासंदर्भात आज प्रशासनाची महत्त्वपूर्ण बैठक झाली. या बैठकीला सर्व वरिष्ठ अधिकारी उपस्थित होते.
नवी मुंबईतील सार्वजनिक वाहतूक व्यवस्था अधिक बळकट करण्यासाठी सिडको नवी मुंबई मेट्रो अंतर्गत 4 उन्नत मार्ग विकसित करत आहे. नवी मुंबई मेट्रोचा पहिला टप्पा बेलापूर ते पेंढार असा अंदाजे 11.1 किमीचा असून तळोजा येथे 11 स्थानके आणि एक कार डेपो आहे. बेलापूर ते पेंढार या फेज-1 चालवण्याचे कंत्राट महा मेट्रोला देण्यात आले होते.
नवी मुंबई मेट्रो-1 मध्ये प्रवास करताना 2 किमीचे भाडे 10 रुपये, 2 ते 4 किमीसाठी 15 रुपये, 4 ते 6 किमीसाठी 20 रुपये, 6 ते 8 किमीचे भाडे असेल. 25 रुपये, 8 ते 10 किमीसाठी ते 10 रुपये असेल. तुम्हाला प्रति किमी 30 रुपये आणि 10 किमीपेक्षा अधिकसाठी 40 रुपये मोजावे लागतील.
हेही वाचा
Share
Tweet
