काँग्रेस अध्यक्ष राहुल गांधी यांनी लोकसभा निवडणुकीच्या तोंडावर, बुधवारी आपल्या बहिणीला, प्रियांका गांधी यांना काँग्रेसचं सरचिटणीस पद देत त्यांना राजकारणात सक्रिय केलं आहे. त्यांची ही खेळ खूप महत्त्वाची मानली जात असून या खेळीमुळे भाजपाच्या पोटात नक्कीच गोळा आला असेल. मोदी-योगी या जोडगोळीला टक्कर देण्यासाठी प्रियांका गांधींची एण्ट्री केल्याचं म्हटलं जात असतानाच भाजपानं मात्र काँग्रेसच्या या निर्णयावर जोरदार टीका सुरू केली आहे. काँग्रेस हा एका कुटुंबाचा पक्ष असल्याचं म्हणत काँग्रेसवर टीकेची झोड भाजपाकडून उठवली जात असतानाच शिवसेनेनं मात्र काँग्रेसच्या निर्णयाचं स्वागतच केलं आहे. प्रियांका राजकारणात सक्रिय झाल्यानं त्याचा नक्कीच काँग्रेसला फायदा होईल अशी प्रतिक्रिया शिवसेनेनं दिली आहे.
भाजपाची टीका
प्रियांका गांधींना राजकारणात सक्रिय करण्याची काँग्रेस नेत्यांची-कार्यकर्त्यांची कित्येक वर्षांपासूनची मागणी अखेर बुधवारी राहुल गांधी यांनी पूर्ण केली आहे. प्रियांका गांधीच्या एण्ट्रीमुळे देशभरातील काँग्रेस कार्यकर्त्यांमध्ये उत्साहाचं वातावरण आहे. त्याचवेळी लोकसभेच्या विजयाचा मार्ग उत्तर प्रदेशातून जातो असं म्हटलं जातं. कारण उत्तर प्रदेशात लोकसभेच्या सर्वाधिक ८० जागा आहेत. असं असताना उत्तर प्रदेशाची जबाबदारीही प्रियांका गांधीवर सोपवत राहुल गांधींनी भाजपासमोर तगडं आव्हान निर्माण केलं आहे. त्यामुळेच प्रियांका गांधींच्या नियुक्तीनंतर तातडीनं भाजपाचे प्रवक्ते संबित पात्रा यांनी पत्रकार परिषद घेत काँग्रेसच्या निर्णयावर टीका केली होती. काँग्रेस हा एकाच कुटुंबाचा पक्ष असून राहुल गांधी अपयशी ठरल्यानं त्यांनी प्रियांका गांधींना पुढं केल्याची प्रतिक्रिया पात्रा यांनी दिली होती.
काँग्रेसला नक्कीच फायदा
यानंतरही भाजपाकडून प्रियांकाच्या एण्ट्रीवर टीका सुरू आहे. असं असलं तरी शिवसेनेनं मात्र काँग्रेसच्या निर्णयाचं स्वागत करत प्रियांका गांधी यांच्यात इंदिरा गांधीची छबी दिसत असल्याचं म्हटलं आहे. प्रियांका गांधीचं व्यक्तिमत्व इंदिरा गांधींसारखचं असून त्या नक्कीच प्रियांका गांधीच्या नियुक्तीचा फायदा येत्या काळात काँग्रेसला होईल अशी प्रतिक्रिया शिवसेनेचे खासदार संजय राऊत यांनी दिली आहे. शिवसेनेच्या प्रवक्त्या अॅड. मनीषा कायंदे यांनीही प्रियांका गांधीच्या एण्ट्रीचं समर्थन केलं आहे. प्रियांक गांधीचं व्यक्तिमत्व, लोकांशी संवाद साधण्याची कला आणि त्यांच्यातील इंदिरा गांधींची छबी नक्कीच जनतेला आकर्षित करणारी आहे. त्यामुळे त्याचा फायदा काँग्रेसला होईल, असंही कायंदे यांनी स्पष्ट केलं आहे. भाजपाची एकीकडे काँग्रेसच्या निर्णयावर टीका सुरू असताना शिवसेनेसारख्या मोठ्या मित्राने काँग्रेसची वाह वाह केल्यानं भाजपासाठी ही नक्कीच चिंतेची बाब असल्याची चर्चा आहे.
काँग्रेस अध्यक्ष राहुल गांधी यांनी लोकसभा निवडणुकीच्या तोंडावर, बुधवारी आपल्या बहिणीला, प्रियांका गांधी यांना काँग्रेसचं सरचिटणीस पद देत त्यांना राजकारणात सक्रिय केलं आहे. त्यांची ही खेळ खूप महत्त्वाची मानली जात असून या खेळीमुळे भाजपाच्या पोटात नक्कीच गोळा आला असेल. मोदी-योगी या जोडगोळीला टक्कर देण्यासाठी प्रियांका गांधींची एण्ट्री केल्याचं म्हटलं जात असतानाच भाजपानं मात्र काँग्रेसच्या या निर्णयावर जोरदार टीका सुरू केली आहे. काँग्रेस हा एका कुटुंबाचा पक्ष असल्याचं म्हणत काँग्रेसवर टीकेची झोड भाजपाकडून उठवली जात असतानाच शिवसेनेनं मात्र काँग्रेसच्या निर्णयाचं स्वागतच केलं आहे. प्रियांका राजकारणात सक्रिय झाल्यानं त्याचा नक्कीच काँग्रेसला फायदा होईल अशी प्रतिक्रिया शिवसेनेनं दिली आहे.
भाजपाची टीका
प्रियांका गांधींना राजकारणात सक्रिय करण्याची काँग्रेस नेत्यांची-कार्यकर्त्यांची कित्येक वर्षांपासूनची मागणी अखेर बुधवारी राहुल गांधी यांनी पूर्ण केली आहे. प्रियांका गांधीच्या एण्ट्रीमुळे देशभरातील काँग्रेस कार्यकर्त्यांमध्ये उत्साहाचं वातावरण आहे. त्याचवेळी लोकसभेच्या विजयाचा मार्ग उत्तर प्रदेशातून जातो असं म्हटलं जातं. कारण उत्तर प्रदेशात लोकसभेच्या सर्वाधिक ८० जागा आहेत. असं असताना उत्तर प्रदेशाची जबाबदारीही प्रियांका गांधीवर सोपवत राहुल गांधींनी भाजपासमोर तगडं आव्हान निर्माण केलं आहे. त्यामुळेच प्रियांका गांधींच्या नियुक्तीनंतर तातडीनं भाजपाचे प्रवक्ते संबित पात्रा यांनी पत्रकार परिषद घेत काँग्रेसच्या निर्णयावर टीका केली होती. काँग्रेस हा एकाच कुटुंबाचा पक्ष असून राहुल गांधी अपयशी ठरल्यानं त्यांनी प्रियांका गांधींना पुढं केल्याची प्रतिक्रिया पात्रा यांनी दिली होती.
काँग्रेसला नक्कीच फायदा
यानंतरही भाजपाकडून प्रियांकाच्या एण्ट्रीवर टीका सुरू आहे. असं असलं तरी शिवसेनेनं मात्र काँग्रेसच्या निर्णयाचं स्वागत करत प्रियांका गांधी यांच्यात इंदिरा गांधीची छबी दिसत असल्याचं म्हटलं आहे. प्रियांका गांधीचं व्यक्तिमत्व इंदिरा गांधींसारखचं असून त्या नक्कीच प्रियांका गांधीच्या नियुक्तीचा फायदा येत्या काळात काँग्रेसला होईल अशी प्रतिक्रिया शिवसेनेचे खासदार संजय राऊत यांनी दिली आहे. शिवसेनेच्या प्रवक्त्या अॅड. मनीषा कायंदे यांनीही प्रियांका गांधीच्या एण्ट्रीचं समर्थन केलं आहे. प्रियांक गांधीचं व्यक्तिमत्व, लोकांशी संवाद साधण्याची कला आणि त्यांच्यातील इंदिरा गांधींची छबी नक्कीच जनतेला आकर्षित करणारी आहे. त्यामुळे त्याचा फायदा काँग्रेसला होईल, असंही कायंदे यांनी स्पष्ट केलं आहे. भाजपाची एकीकडे काँग्रेसच्या निर्णयावर टीका सुरू असताना शिवसेनेसारख्या मोठ्या मित्राने काँग्रेसची वाह वाह केल्यानं भाजपासाठी ही नक्कीच चिंतेची बाब असल्याची चर्चा आहे.