मीडियाशी बोलताना त्यांनी हा आरोप केला आहे. पुण्यातील ड्रग्ज रॅकेट प्रकरणावरून सध्या आरोप-प्रत्यारोप सुरू असतानाच गायकवाड यांनी हा आरोप केला आहे. त्यांचा रोख महाविकास आघाडी सरकारकडं विशेषत: उद्धव ठाकरे यांच्याकडं असल्याचं बोललं जातं.

राज्यात महाविकास आघाडी सरकार असताना एकनाथ शिंदे हे गडचिरोली जिल्ह्याचे पालकमंत्री होते. त्यावेळी नक्षलवाद्यांकडून त्यांना धमकी आली होती. त्यानंतर त्यांची सुरक्षा वाढवण्याची गरज होती. त्यानुसार झेड प्लस दर्जाची सुरक्षा देण्याचा निर्णय झाला होता. मात्र, ‘मातोश्री’नं त्यास विरोध केला होता, असं गायकवाड म्हणाले. त्यांनी या संदर्भातील घटनाक्रमही सांगितला.

'एकनाथ शिंदे यांच्या सुरक्षेच्या संदर्भात गृह राज्यमंत्री शंभुराज देसाई यांच्या घरी एकदा बैठक सुरू असताना मातोश्रीवरून फोन आला. शिंदेंची सुरक्षा वाढवू नका, असं सांगितलं गेलं. याचा अर्थ शिंदे यांना वाटेतून दूर करण्याचा प्लान होता. शिंदे राजकारणातून संपत नाहीत म्हणून त्यांना संपवण्याचा हा डाव होता. त्यामुळंच त्यांना सुरक्षा नाकारली गेली हे स्पष्ट आहे, असं गायकवाड म्हणाले.