चेहरे बघू नका, धनुष्याकडे बघून मतदान करा - उद्धव ठाकरे

शीव - निवडणुकीच्या पार्श्वभूमीवर शिवसेना पक्ष प्रमुख उद्धव ठाकरे यांनी मुंबईत प्रचार सभांना सुरुवात केली आहे. मंगळवारी उद्धव ठाकरे यांनी शीव येथे प्रचार सभा घेतली. आमचा उमेदवार शिवरायांचा भगवा घेऊन पुढे जाणार, जिथे जिथे धनुष्यबाण आहे त्यांना निवडून द्या. चेहरे बघू नका, त्यांच्याकडून काम करुन घेण्याची शपथ मी घेतली आहे असं या वेळी उद्धव ठाकरे यांनी ठणकावून सांगितलं.

या वेळी शिवसेना खासदार राहूल शेवाळे, प्रतिक्षा नगरच्या नगरसेविका प्रणिता वाघधरे, सभागृह नेत्या तृष्णा विश्वासराव, खासदार विनायक राऊत आणि सायन कोळीवाडा मतदारसंघातील पदाधिकारी आणि कार्यकर्ते उपस्थित होते.