महाराष्ट्र नवनिर्माण सेनेचे (मनसे) संस्थापक अध्यक्ष राज ठाकरे यांनी काल दक्षिण-मध्य मुंबई मतदारसंघाचा दौरा केला. यावेळी त्यांनी दादर येथील ब्राह्मण सेवा संघ सभागृहात पक्षाचे पदाधिकारी व कार्यकर्त्यांची बैठक घेतली. त्यात राज ठाकरे म्हणाले की, मनसे लोकसभा निवडणूक लढवणार की नाही याचा निर्णय येत्या तीन-चार दिवसांत घेतला जाईल.

राज ठाकरे यांनी कार्यकर्त्यांना सांगितले की, पुढील 3-4 दिवसांत लोकसभा निवडणूक लढवायची की नाही हे सांगतो, तुम्ही काम करत राहा. लोकांपर्यंत पोहचा. बुथनिहाय एका कार्यकर्त्याने 250-300 लोकांशी संपर्कात राहावे अशाप्रकारे सूचना दिल्या आहेत. त्यामुळे एकूणच लोकसभा निवडणुकीत मनसे स्वतंत्र लढणार की महायुतीत मनसेचा सहभाग होणार याबाबत पुढील काही दिवसांत स्पष्टता येणार आहे. 

2014 आणि 2019 च्या लोकसभा निवडणुकीत मनसेने एकही उमेदवार उभा केला नाही. यावेळीही राज ठाकरे स्वत:चा उमेदवार उभा करण्याऐवजी सत्ताधारी महाआघाडीसोबत जाण्याची शक्यता आहे. 

मात्र, याबाबत अद्याप कोणताही खुलासा झालेला नाही. दोन-तीन दिवसांत महायुतीच्या बैठकीत निर्णय झाल्यानंतर परिस्थिती लक्षात घेऊन राज ठाकरे आपले पत्ते उघड करतील, अशी चर्चा आहे.

हेही वाचा

रेल्वेमंत्री पियुष गोयल उत्तर मुंबईतून लोकसभा निवडणूक लढण्याची शक्यता

काँग्रेसचे शक्तिप्रदर्शन! शिवाजी पार्कवर राहुल गांधींची सभा