Advertisement
COVID-19 CASES IN MAHARASHTRA
Total:
59,08,992
Recovered:
56,39,271
Deaths:
1,11,104
LATEST COVID-19 INFORMATION  →

Active Cases
Cases in last 1 day
Mumbai
15,773
700
Maharashtra
1,55,588
10,442

'डिसअपिअरिंग मेसेज’ फिचर व्हॉट्सअ‍ॅपवर 'असं' सुरू करा

व्हॉट्सअ‍ॅपचं (WhatsApp) 'डिसअपिअरिंग मेसेज’ (disappearing messages) फिचर आता भारतातही उपलब्ध झालं आहे.

'डिसअपिअरिंग मेसेज’ फिचर व्हॉट्सअ‍ॅपवर 'असं' सुरू करा
SHARES

व्हॉट्सअ‍ॅपचं (WhatsApp) 'डिसअपिअरिंग मेसेज’ (disappearing messages) फिचर आता भारतातही उपलब्ध झालं आहे. युजर्स आयओएस (iOS), अँड्रॉइड (Android), केएआयओएस (KaiOS), वेब (web) आणि डेस्कटॉपवरही (desktop) त्याचा वापर करू शकतात.

या फिचरमुळे व्हॉट्सअ‍ॅपवरील मीडिया फाईल्ससह सर्व मेसेज सात दिवसांनंतर आपोआप दिसेनासे होतात. हे फिचर युजर्सना स्वतः एनेबल करावं लागेल. ग्रुप चॅटससाठी देखील हे फिचर वापरता येईल. पण त्यासाठी हे फिचर सुरू करायचे किंवा नाही हा निर्णय ग्रुपच्या अ‍ॅडमिनवर अवलंबून असेल.

एखाद्या युजरनं मेसेज आपोआप डिलिट होण्याआधी बॅकअप घेऊन ठेवला, तर ती फाईल कायमस्वरूपी सेव्ह होईल. हे फिचर ऑटो-डाउनलोड झाल्यास मीडिया फाईल्स फोनवर सेव्ह होतील, पण चॅटमधून सात दिवसांनंतर ती फाईल दिसेनाशी होईल.

डिसअपिअरिंग मेसेजला तुम्ही रिप्लाय केलेला असेल तर सात दिवसांनंतर तो मेसेज दिसत राहील. हे फिचर कार्यान्वित करण्याआधीचे मेसेजेस, मीडिया फाईल्सवर याचा काहीही परिणाम होणार नाही. हे नवीन फिचर दिसत नसेल, तर व्हॉट्सअ‍ॅपचं लेटेस्ट व्हर्जन वापरावं लागेल.


सिंगल युजर कसे वापरतील?

  • अँड्रॉइड आणि आयओएस डिव्हायसेसवर व्हॉट्सअ‍ॅपचे हे फिचर वापरायचं असेल, तर आधी व्हॉट्सअ‍ॅप चॅट ओपन करा.
  • त्यानंतर कॉन्टॅक्ट नेमवर क्लिक करा नंतर ‘डिसअपिअरिंग मेसेज’ वर क्लिक करा.
  • 'कंटिन्यू' असा ऑप्शन आला की ते सिलेक्ट करा.
  • डेस्कटॉप, केएआयओएस आणि वेबसाठीही याच पध्दतीनं हे फिचर सुरू करता येईल.
  • याच पध्दतीने हे फिचर नको असल्यास ते बंद ही करता येईल.

ग्रुप चॅटसाठी कसं वापरायचं?

  • ग्रुप चॅट्ससाठी अ‍ॅडमिनला प्रथम अँड्रॉइड किंवा आयओएसवर व्हॉट्सअ‍ॅप ग्रुप चॅट ओपन करावं लागेल.
  • त्यानंतर ग्रुप नेमवर जाऊन ‘डिसअपिअरिंग मेसेज’ आणि त्यापुढे ‘कंटिन्यू’ ऑप्शन सिलेक्ट केला की, हे फिचर सुरू होईल.
  • एकदा हे फिचर सुरू झालं की, चॅट बॉक्समध्ये दोन्ही पार्टीजना ‘डिसअपिअरिंग मेसेज’ कार्यान्वित झाल्याचा मेसेज दर्शवेल.
  • डिसअपिअरिंग मेसेज एखाद्या ग्रुपला किंवा व्यक्तीला फॉरवर्ड केल्यास तो मेसेज काढून टाकता येणार नाही, असंही व्हॉट्सअ‍ॅपने म्हटलं आहे.



हेही वाचा

बिग बास्केटच्या २ कोटी ग्राहकांचा डेटा लिक

मोबाईलवर गेम खेळण्यात महाराष्ट्र दुसऱ्या क्रमांकावर

Read this story in हिंदी
संबंधित विषय
Advertisement
‘मुंबई लाइव्ह’च्या ताज्या बातम्यांसाठी सब्स्क्राईब करा