मुंबई असो की पुणे, सुट्टीसाठी सर्वांचेच आवडते ठिकाण आहे माथेरान. गेल्या वर्षीच्या तुलनेत मार्च ते मे या तीन महिन्यांत नेरळ ते माथेरान दरम्यान धावणाऱ्या टॉय ट्रेनचा सुमारे १७ टक्के अधिक लोकांनी लाभ घेतला.

मागील वर्षी मार्च ते मे या कालावधीत 1.12 लाख प्रवाशांनी याचा लाभ घेतला होता तर यावर्षी याच कालावधीत 1.31 लाख प्रवाशांनी लाभ घेतला. या तीन महिन्यांत टॉय ट्रेनमधून रेल्वेला १.०१ कोटी रुपयांचा महसूल मिळाला आहे. हा महसूलही गेल्या वर्षीच्या याच कालावधीच्या तुलनेत सुमारे ४० टक्के अधिक आहे.

सुमारे तीन वर्षांपासून नेरळ ते माथेरान हा मार्ग अपग्रेडेशनसाठी बंद होता. यावेळी फक्त अमन लॉज ते माथेरान अशी सेवा सुरू होती. हा मार्ग सुरक्षित करण्यासाठी रेल्वेने ५७ लहान पुलांची पुनर्बांधणी केली आहे. गेल्या वर्षी 22 ऑक्टोबर 2022 रोजी नेरळ ते माथेरान या संपूर्ण मार्गावर शटल सेवा सुरू करण्यात आली होती.

अपग्रेडनंतर प्रथमच या 21 किमी मार्गावर सुरक्षेसह टॉय ट्रेनचा वेग वाढला आहे. कालका शिमला रेल्वे मार्गाच्या धर्तीवर हा मार्ग अपग्रेड करण्यात आला आहे. रुळाखालील लाकडी स्लीपर काढून तेथे सिमेंटचे स्लीपर बसवण्यात आले. याशिवाय प्रत्येक तीन किमीच्या मार्गावर  गतिरोधकही बसवण्यात आले आहेत.

दरवर्षी पावसाळ्यात ही टॉय ट्रेन सुरक्षिततेच्या दृष्टीने बंद असते. यावेळी फक्त अमन लॉज ते माथेरान दरम्यान गाड्या धावतात. 7 जूनपासून मान्सूनचे वेळापत्रक लागू करण्यात आले आहे. आता अमन लॉज ते माथेरान पर्यंत दररोज 6 जोड्या सेवा धावतात.

हेही वाचा

माथेरानचे सौंदर्य पहा व्हिस्टाडोम कोचमधून, डोंगर-दऱ्यांमधून धावणार ‘ब्लॅक ब्युटी’

माथेरानची टॉय ट्रेन रुळावरून घसरली