धावत्या लोकल ट्रेन (local train) मधून तरुण पडल्याची घटना भांडुप स्थानकात (bhandup Station) घडली. यामध्ये तरूण गंभीर जखमी झाला आहे. विनायक तुकाराम नादर्गी (३४) असं या तरुणाचं नाव आहे. या अपघातात (accident) विनायकचा पाय निकामी झाला आहे. त्याच्यावर शीव रुग्णालयात उपचार सुरू आहेत.
मंगळवारी सायंकाळी ही घटना घडली. भांडुप (bhandup) आणि कांजूरमार्ग (kanjurmarg) स्थानकादरम्यान तरूण जखमी अवस्थेत पडल्याची माहिती रेल्वे पोलिसांना (Railway Police) मिळाली. पोलिसांना तात्काळ त्या ठिकाणी धाव घेतली. विनायकच्या उजव्या पायाला गंभीर दुखापत झाल्याचं यावेळी रेल्वे पोलिसांना दिसून आली. पोलिसांनी तातडीने विनायकला रात्री साडे नऊ वाजण्याच्या सुमारास राजावाडी रुग्णालयात दाखल केले. विनायक गंभीर जखमी झाल्याने त्याला त्यानंतर सायन रूग्णालयात (Sion Hospital) दाखल करण्यात आलं.
धावत्या लोकलमधून पडल्यामुळे हा अपघात झाल्याचे प्रथमदर्शनी दिसून येत आहे. मात्र, चौकशीनंतर अपघाताचं नेमकं कारण स्पष्ट होईल. विनायकवर सायन रूग्णालयात (Sion Hospital) अतिदक्षता विभागात उपचार सुरू आहेत, अशी माहिती कुर्ला रेल्वे पोलिसांनी सांगितले.
हेही वाचा -