नाशिक-मुंबई प्रवास करणाऱ्या प्रवाशांसाठी मध्य रेल्वेनं खूशखबर दिली आहे. कारण, येत्या १५ दिवसांत नाशिक-मुंबई लोकल सेवेच्या चाचणीला सुरु होणार आहे. ही चाचणी यशस्वी ठरल्यास कल्याण ते नाशिकरोड लोकल सुरु होणार आहे. यावेळी राजधानी एक्स्प्रेस मनमाडमार्गे धावेल.
नोकरी-व्यवसायानिमित्त हजारो प्रवासी दरराेज मुंबई ते नाशिक असा प्रवास करतात. नाशिक-मुंबई प्रवास करणाऱ्या प्रवाशांना पंचवटी एक्स्प्रेस, राज्यराणी एक्स्प्रेस, गोदावरी एक्स्प्रेस अशा केवळ २-४र एक्स्प्रेसने प्रवास कारावा लागतो. त्यामुळे गेल्या अनेक वर्षांपासून नाशिक-मुंबई प्रवासासाठी लोकल सेवा सुरु करण्याची मागणी केली जात होती. मात्र, नाशिक-मुंबई या मार्गात असलेल्या कसारा घाटात या लोकल सेवेसाठी अडचण येत होती.
त्यानुसार मध्य रेल्वेने नाशिक-मुंबई लोकल सेवेची १५ दिवसांत चाचणी सुरु करण्याचा निर्णय घेतला आहे. दरम्यान, ही चाचणी यशस्वी ठरली तर, पुढील काही दिवसांतच नाशिक-मुंबई लोकल सेवा सुरु होण्याची शक्यता आहे. त्यामुळं नाशिक-मुंबई प्रवास करणाऱ्या सर्व प्रवाशांचे लक्ष आता या चाचणीकडे लागले आहे.
हेही वाचा-
Share
Tweet
