मध्य रेल्वे (CR) ऑगस्टपर्यंत विद्याविहार, नाहूर आणि दिवा रेल्वे स्थानकांवर अतिरिक्त 'होम प्लॅटफॉर्म' (दुतर्फा प्लॅटफॉर्म) विकसित करेल ज्यामुळे प्रवाशांना दोन्ही बाजूंनी ट्रेनमध्ये चढता/उडता येईल आणि यामुळे गर्दी कमी होईल, विशेषतः संध्याकाळी गर्दीच्या वेळी लोकांना चढणे उतरणे अधिक सोईस्कर होईल.

“हे प्लॅटफॉर्म 7-10 मीटर रुंद आणि 270 मीटर लांब असतील. यार्ड रीमॉडेलिंग आणि प्रवासी सुविधांच्या निर्मितीसह प्रत्येक प्लॅटफॉर्मवर काम करण्यासाठी सुमारे 6 कोटी रुपये खर्च होतील," सीआर अधिकाऱ्याने सांगितले की, हे होम प्लॅटफॉर्म प्रवाशांना पूल न वापरता स्टेशन परिसरात आणि बाहेर थेट प्रवेश देईल.

एका अधिकाऱ्याच्या म्हणण्यानुसार, विद्याविहार, नाहूर आणि दिवा रेल्वे स्थानकांप्रमाणे घाटकोपर, कुर्ला,  मुलुंड आणि भांडुप आणि कळवा यासारख्या इतर स्थानकांवरील गर्दी कमी करण्याचा विचार आहे.

अधिकाऱ्याने सांगितले की, "आम्ही आता या योजनेची अंमलबजावणी करण्यासाठी जागा आणि इतर घटकांचा विचार करत आहोत." ताज्या आकडेवारीनुसार या स्थानकांवर दररोज सरासरी तिकिटांची विक्री 21,534 (दिवा), 6,244 (नाहूर) आणि 8,526 (विद्याविहार) आहे.

या निर्णयाचे स्वागत करताना विद्या विहारचे रहिवासी राजेश शहानी फ्री प्रेसला म्हणाले की, “रेल्वेला सर्व स्थानकांवर होम प्लॅटफॉर्म तयार करण्याची गरज आहे. यामुळे स्थानकांवरची गर्दी कमी होणार नाही तर प्रवाशांना चढ-उतर करण्यासही सोईस्कर होईल.

दरम्यान, दिवा येथील शैलजा शिंदे म्हणाल्या, “होम प्लॅटफॉर्म आवश्यक आहेत, विशेषत: मुंबईत ज्यामध्ये भारतातील सर्वात व्यस्त उपनगरीय रेल्वे नेटवर्क आहे. ते गर्दीच्या व्यवस्थापनात मदत करतील आणि आरामदायी प्रवास करणे देखील सोईस्कर होईल.”

हेही वाचा

मुंबईत हॉप ऑन हॉप ऑफ बससेवा सुरू

मुंबई मेट्रो : कोणत्या स्टेशनसाठी किती भाडे मोजावे लागेल? जाणून घ्या तिकिटाचे दर