मुंबई (mumbai) -अहमदाबाद (ahmedabad) बुलेट ट्रेन (bullet train) प्रकल्पांतर्गत भारतात प्रथमच जपानच्या प्रगत जे-स्लॅब बॅलास्टलेस ट्रॅक (J Slab balastless track) प्रणालीचा वापर केला जाणार आहे.
शिंकांसेन तंत्रज्ञानावर आधारित, जे-स्लॅब प्रणालीत पारंपरिक खडीच्या रुळांच्या जागी एक मजबूत रुळांची रचना वापरण्यात येते. ज्यात आरसी ट्रॅक बेड, सिमेंट डांबर मोर्टार (सीएएम), पूर्वनिर्मित स्लॅब आणि उच्च-शक्तीचे फास्टनर्स यांचा समावेश असतो.
अधिकाऱ्यांनी सांगितले की, या रचनेमुळे अधिक स्थिरता, कमी देखभाल आणि उच्च गतीच्या बुलेट ट्रेनमध्ये प्रवास अधिक सुखकर होतो.
गुजरातमध्ये या बुलेट ट्रेनच्या कामाची प्रगती होत असून तिथे दोन विशेष उत्पादन युनिट्समध्ये ट्रॅक स्लॅबचे उत्पादन होत आहे.
सुमारे 185 किलोमीटरच्या मार्गावर आरसी ट्रॅक बेड पूर्ण झाला आहे, तर 188 किलोमीटरसाठी स्लॅबचे कास्टिंग झाले आहे.
सीएएम इंजेक्शनसह इन्स्टॉलेशन 70 किलोमीटरपर्यंत पोहोचले आहे. ही प्रक्रिया जपानमध्ये डिझाइन केलेल्या प्रणालींचा वापर करून पूर्णपणे यांत्रिकीकृत आहे, ज्यापैकी अनेक आता भारतात बनवल्या जात आहेत.
या प्रकल्पातील 508 किलोमीटरच्या कॉरिडॉरपैकी, 347 किलोमीटरचे व्हायाडक्ट्स आणि 439 किलोमीटरचे पियर्स, तसेच अनेक पूल आणि ध्वनीरोधक तयार करण्यात आले आहेत.
हेही वाचा
Share
Tweet
