गोवा-मुंबई वंदे भारत एक्सप्रेसचे उद्घाटन ३ जून रोजी होणार आहे. मडगाव जंक्शन येथून या ट्रेनला हिरवा झेंडा दाखवण्यात येणार आहे. ही गाडी मुंबईहून (सीएसएमटी) सकाळी सुटेल. ती दुपारी मडगावहून सुटेल आणि त्याच दिवशी मध्यरात्रीपूर्वी सीएसएमटीला पोहोचेल.

वंदे भारत ट्रेनचे उद्घाटन 3 जूनला होणार असले तरी ही ट्रेन 4 जूनपासून लोकांसाठी धावणार आहे. आठ डब्यांच्या ट्रेनला 11 थांबे असतील आणि 586 किमी अंतर पार करण्यासाठी 8 तासांपेक्षा कमी वेळ लागेल.

सेमी-हाय-स्पीड वंदे भारतमुळे मुंबई आणि गोवा दरम्यानचा प्रवास 8 तासापेक्षा कमी होईल. सध्या या मार्गावरील सर्वात वेगवान ट्रेन तेजस एक्सप्रेस आहे. तेच अंतर कापण्यासाठी तेजसला 8 तास 50 मिनिटे लागतात.

सकाळी 5:50 वाजता सुटेल

नवी दिल्ली येथून गोवा-मुंबई ट्रेनला पंतप्रधान नरेंद्र मोदी हिरवा झेंडा दाखवतील. तर रेल्वेमंत्री अश्विनी वैष्णव आणि गोव्याचे मुख्यमंत्री मडगावमध्ये उपस्थित राहणार आहेत. तेजस सकाळी 5.50 वाजता सीएसएमटीहून सुटेल आणि दुपारी 2.40 वाजता मडगावला पोहोचेल.

प्रवाशांना होणार फायदा

हजारो प्रवाशांना गणेशोत्सवानिमित्त मुंबई-गोवा वंदे भारत ट्रेनचाही लाभ मिळणार आहे. बाप्पाच्या स्वागतासाठी वर्षातून एकदा कोकणात मोठ्या संख्येने भाविक येतात. मुंबई-मडगाव चेअर कारचे भाडे रु. 1,745 आणि EC (एक्झिक्युटिव्ह चेअर कार) चे भाडे रु. 3,290 आहे. यामध्ये IRCTC फूड चार्जेसचा समावेश आहे.

तेजस एक्सप्रेस आणि वंदे भारत भाडे

तेजस एक्स्प्रेस मुंबई-मडगाव मार्गावर धावते. तेजसच्या संपूर्ण प्रवासासाठी चेअर कारचे भाडे 10555 रुपये, EC साठी 3080 रुपये आहे. तेजस एक्स्प्रेस पनवेल, चिपळूण, रत्नागिरी, कुडाळ स्थानकांवर थांबते. त्यामुळे कोकणवासीयांसाठी जलद रेल्वे प्रवासासाठी तेजससह वंदे भारतचा पर्यायही उपलब्ध होणार आहे.

छत्रपती शिवाजी महाराज टर्मिनस आणि मडगाव सुपरफास्ट मेल-एक्स्प्रेस दरम्यानचे भाडे 2nd AC साठी ₹ 1,620 आणि 3rd AC साठी ₹ 1,150 आहे. व्होल्वो बसचे भाडे 1,300 रुपये आहे. विमान भाडे 3,000 ते 6,000 पर्यंत आहे.

सीएसएमटी ते मडगाव प्रवास करण्यासाठी रस्ते, रेल्वे, हवाई पर्याय

- वंदे भारत (CC - EC): 1,745 - 3,290 (प्रवासाची वेळ: 7 तास 50 मिनिटे)

- तेजस - सुपरफास्ट (CC - EC - EV): 1,555 - 2,865 - 3,080 (प्रवासाची वेळ: 8 तास 50 मिनिटे)

- सुपरफास्ट मेल-एक्सप्रेस (तृतीय एसी - 2रा - 1ला): 1150 - 1620 - 2720 (प्रवासाची वेळ: 10 तास 40 मिनिटे)

- एसी व्होल्वो - सीट ते सीट - 900 ते 1000 सीट ते सीट - 1100 ते 1300 (12 ते 14 तास)

- हवाई प्रवास - 3 हजार ते 6 हजार रुपये (1 तास 20 मिनिटे)

हेही वाचा

खारघर ते बीकेसी नवीन प्रीमियम एसी बस सेवा सुरू