मध्य आणि पश्चिम रेल्वे मार्गावरील वातानुकूलित (AC) लोकल गाड्यांच्या तिकिट दरात कपात होण्याची शक्यता आहे. तसंच गाड्यांची संख्या वाढवण्यासोबतच अधिक सुविधा देण्याच्या प्रयत्नात रेल्वे आहे.
प्रवाशांना सोईस्कर म्हणून काय सुविधा पुरवता येतील याचा अभ्यास रेल्वे बोर्ड, सर्व विभागीय रेल्वेची सर्वोच्च संस्था करत आहे.
उपनगरीय एसी लोकल गाड्यांची भाडे रचना मुंबई मेट्रोपॉलिटन रिजन डेव्हलपमेंट अथॉरिटी (MMRDA) किंवा दिल्ली मेट्रो रेल कॉर्पोरेशन (DMRC) द्वारे अंतिम केलेल्या मेट्रो भाडे संरचनेवर आधारित असेल.
यापूर्वी, मुंबई रेल विकास कॉर्पोरेशन (MRVC)नं मुंबई आणि दिल्लीतील मेट्रो भाड्याच्या इतकेच एसी लोकल ट्रेनचे भाडे सुचवले होते.
सोमवारी मध्य आणि पश्चिम रेल्वेला भेट देणारे रेल्वे बोर्डाचे अध्यक्ष सुनीत शर्मा यांनी सांगितलं की, एसी लोकल गाड्यांबाबत विभागीय रेल्वे अधिकारी आणि प्रवाशांकडून अभिप्राय प्राप्त झाला आहे.
“आम्हाला एसी लोकल गाड्यांचे संरक्षण वाढवायचे आहे कारण नवीन गाड्या मध्य आणि पश्चिम रेल्वे मार्गावर येणार आहेत. भाडे रचना आणि मार्ग यासंबंधीच्या लॉजिस्टिकचा अभ्यास केला जात आहे आणि त्यानुसार निर्णय घेतला जाईल,” शर्मा म्हणाले.
पुढे, रेल्वे मंत्रालयानं भविष्यात सर्व लोकल ट्रेन सेवा एसी लोकल ट्रेनमध्ये बदलण्याची योजना आखली आहे.
दरम्यान, शर्मा यांनी परळ इथं कालका-शिमला रेल्वे ट्रॅकसाठी लोकोमोटिव्हचे उद्घाटन केले. छत्रपती शिवाजी महाराज टर्मिनस (CSMT), त्याचे एक्झिक्युटिव्ह लाउंज आणि स्टेशनच्या P’D मेलो प्रवेशद्वारा जवळ नव्यानं उदघाटन केलेल्या रेस्टॉरंट ऑन व्हीलची पाहणी केली.
हेही वाचा