महाशिवरात्रीनिमित्त मोठ्या संख्येने भाविक कान्हेरी लेणी आणि बाबुलनाथ मंदिराला भेट देतात. त्यामुळे बेस्ट उपक्रमाने १८ फेब्रुवारी रोजी बोरिवली (पूर्व) येथील संजय गांधी राष्ट्रीय उद्यानातील कान्हेरी लेणी आणि दक्षिण मुंबईतील बाबुलनाथ मंदिरात जाणाऱ्या भाविकांसाठी विशेष बसगाड्या सोडण्याचा निर्णय घेतला आहे.
महाशिवरात्रीनिमित्त १८ फेब्रुवारी रोजी संजय गांधी राष्ट्रीय उद्यान प्रवेशद्वार ते कान्हेरी लेणी या मार्गावर बसमार्ग क्रमांक १८८ ( मर्या.) च्या ६ अतिरिक्त बस फेऱ्या सकाळी १०.३० ते सायंकाळी ७. ३० दरम्यान चालवण्यात येणार आहेत.
तसेच बाबुलनाथ मंदिरात जाणाऱ्या प्रवाशांसाठी बसमार्ग क्रमांक ५७ वाळकेश्वर ते पी. टी. उद्यान – शिवडी, बसमार्ग क्रमांक ६७ वाळकेश्वर ते ॲन्टॉप हिल आणि बसमार्ग क्रमांक १०३ वाळकेश्वर ते कुलाबा बस स्थानक या मार्गांवर सकाळी ७ ते सायंकाळी ७ दरम्यान ६ अतिरिक्त बस फेऱ्या चालविण्यात येतील, अशी माहिती बेस्ट उपक्रमातर्फे देण्यात आली आहे.
हेही वाचा
Share
Tweet
