मुंबईची लाइफलाइन असलेल्या लोकलमध्ये दररोज अनेक प्रवासी प्रवास करतात. या रेल्वे प्रवासावेळी अनेकांना आपला जीव गमवावा लागतो. परंतु, कोरोनामुळं या अपघातात घट झाल्याची माहिती समोर येत आहे. आरटीआय कार्यकर्ते शकील अहमद शेख यांनी मुंबई रेल्वे पोलिसांकडे जानेवारी ते डिसेंबर २०२० पर्यंत मुंबई उपनगरीय रेल्वेगाड्यातून पडून किंवा रेल्वे रूळ क्रॉस करताना किती लोकांच्या मृत्यू व जखमी झाले आहेत, याची माहिती मागितली होती.
मिळालेल्या माहितीनुसार, मुंबई उपनगरी रेल्वे रुळावर रेल्वेगाड्यातून पडून किंवा रेल्वे रूळ क्रॉस करताना १११६ प्रवाशांनी आपले जीव गमावले आहेत. यामध्ये ९८३ पुरुष व १३३ महिला प्रवाशांचा समावेश आहे. तसंच, ८७८ प्रवासी जखमी झाले आहेत. यामध्ये ६८८ पुरुष व १९० महिला प्रवाशांचा समावेश आहे.
मध्य रेल्वे मार्गावर एकूण ५२३ प्रवाशांचा मृत्यू झाला आहे, व ७४७ प्रवासी जखमी झाले आहेत. तसंच, पश्चिम रेल्वे मार्गावर मार्गावर एकूण ३६९ प्रवाशांचा मृत्यू व ३५५ प्रवाशी जखमी झाले आहे.
मृत्यू व जखमींची संख्या
मुंबई उपनगरीय रेल्वे मार्गावर रेल्वे रुळ ओलांडताना २०१३ ते २०१९ पर्यंत एकूण २४५३४ प्रवाशांचा मृत्यू झाला असून एकूण २६६७५ प्रवासी जखमी झाले आहेत.
वर्षाप्रमाणे किती मृत्यू व जखमी